+7 (701) 759 90 19
-24 °С : نۇر-سۇلتان
-4 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

ۇلتتىق كەڭەس: مەملەكەتتىك ءتىل تۋرالى زاڭ قابىلدانادى

14 قازان 13:58
:ءبولىسۋ
ۇلتتىق كەڭەس: مەملەكەتتىك ءتىل تۋرالى زاڭ قابىلدانادى

نۇر-سۇلتان. قازاقپارات – كەشە ۇلتتىق كەڭەستىڭ ۇسىنىستارىن ىسكە اسىرۋ تۋرالى مادەنيەت جانە سپورت ءمينيسترى اقتوتى رايىمقۇلوۆا جۇرگىزگەن جيىن بولدى.

ۇلتتىق كەڭەستە ۇسىنعان ۇسىنىستارىمنىڭ ۇشەۋى - ەڭ باستىسى مەملەكەتتىك ءتىل تۋرالى زاڭ قابىلداۋ، لاتىن ءالىپبيىن جەتىلدىرۋ جانە جوشى حان كەسەنەسى تۇرعان ۇلىتاۋدى حالىقارالىق تۋريزم مەكەنىنە اينالدىرۋ ماسەلەلەرىن مادەنيەت مينيسترلىگى بىردەن قولعا الىپ، ىسكە كىرىسىپ كەتكەنى قۋانتادى.

ءتىل ساياساتى كوميتەتى ءتوراعاسى عالىمجان مەلدەش مەملەكەتتىك ءتىل تۋرالى زاڭ قابىلداۋ تۋرالى بايانداما جاسادى. ەندى بۇدان بىلاي مەملەكەتتىك قىزمەتكەرلەر مەملەكەتتىك ءتىلدى ءبىلۋى مىندەتتى بولادى.

مادەنيەت مينيسترلىگى جانىنان مادەني ساياسات جونىندەگى كەڭەس قۇرىلۋدا ەكەن. الدىن-الا جاسالعان كەڭەس مۇشەلەرىنىڭ ءتىزىمى تانىستىرىلدى. مەن قالامگەرلەردەن قازاقستان جازۋشىلار وداعى ءتوراعاسى، اقىن ۇلىقبەك ەسداۋلەت پەن اقىن- دراماتۋرگ ءارى سازگەر يسرايل ساپاربايدى ۇسىندىم. قازاق سۋرەتشىلەرىنەن ق ر كوركەمسۋرەت اكادەمياسى ۆيتسە-پرەزيدەنتى، قازاقستانعا ەڭبەگى سىڭگەن قايراتكەر جانۇزاق ءمۇساپىردى، قازاق جۋرناليستەرىنەن «قازاق گازەتتەرى» ا ق پرەزيدەنتى ءشامشى پاتتەنى جانە ۇلتتىق اكادەميالىق كىتاپحانانى مادەنيەت پەن ونەر ورداسىنا اينالدىرىپ كەلە جاتقان باسشىسى ءۇمىتحان مۇڭالبايەۆانى ۇسىندىم.

رۋحاني كوشباسشىلاردىڭ بەدەلدى پۋلىنا تولەن ابدىك پەن سماعۇل ەلۋبايدى ۇسىندىم. ۇسىنىستار تۇگەل قابىلداندى.

ۇلتتىق كەڭەس مۇشەسى اۋىت مۇقيبەك مادەني ساياسات كەڭەسىنە جازۋشى تۇرسىنحان زاكەن مەن عالىم اقەدىل تويشاندى ۇسىندى.

جيىندا كوپتەگەن قۇندى پىكىرلەر مەن ۇتىمدى ۇسىنىستار ايتىلدى.

جالپى، ۇلتتىق كەڭەس ۇسىنىستارىن ىسكە اسىرۋعا كىرىسىپ كەتكەن مادەنيەت مينيسترلىگىنىڭ ءماندى وتىرىسى ءۇش ساعاتتاي ۋاقىتقا سوزىلدى.

«تولىق ماعلۇماتتى الدا جازىلار ماقالادا ايتامىز» دەپ تۇيىندەيدى جازبا اۆتورى «qazaquni.kz» سايتىنىڭ باس رەداكتورى، اقىن، «ۇلتتىق كەڭەستىڭ» تۇراقتى مۇشەسى قازىبەك يسا.

qazaquni.kz


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات