12:41, 14 - قازان 2019 | GMT +6
نۇرسۇلتان نازاربايەۆ جاپونيانىڭ يمپەراتورىنا كوڭىل ايتتى
نۇر-سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ جاپونيانىڭ يمپەراتورى نارۋحيتوعا كوڭىل ايتۋ جەدەلحاتىن جولدادى، دەپ حابارلايدى قازاقپارات elbasy.kz سايتىنا سىلتەمە جاساپ.
نۇرسۇلتان نازاربايەۆ تابيعات اپاتى مەن نوسەرلى جاڭبىر سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى حاباردى زور كۇيزەلىسپەن قابىلدادى.
«سىزگە، سونداي-اق قازا بولعانداردىڭ تۋىستارى مەن جاقىندارىنا كوڭىل ايتىپ، قايعىعا ورتاقتاستىعىمدى بىلدىرەمىن.
زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەسپىن»، - دەلىنگەن جەدەلحاتتا.