+7 (701) 759 90 19
16 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

نۇرلان ەرمەكبايەۆ ارىس ماڭىندا قازا تاپقان اسكەري قىزمەتشىنىڭ جاقىندارىنا كوڭىل ايتتى

14 قازان 13:20
:ءبولىسۋ
نۇرلان ەرمەكبايەۆ ارىس ماڭىندا قازا تاپقان اسكەري قىزمەتشىنىڭ جاقىندارىنا كوڭىل ايتتى

نۇر-سۇلتان. قازاقپارات - قورعانىس ءمينيسترى نۇرلان ەرمەكبايەۆ ارىس ماڭىندا جارىلىستان قازا تاپقان اسكەري قىزمەتشىنىڭ تۋعان-تۋىستارىنا كوڭىل ايتتى، دەپ حابارلايدى قازاقپارات ءتىلشىسى.

«امانجول سوۆەت ۇلى اقىشەۆتىڭ تۋعان-تۋىستارىنا كوڭىل ايتامىز. وتباسىنىڭ قايعىسىنا ورتاقپىز. بۇل - تەك اقىشەۆتەر اۋلەتى عانا ەمەس، بۇكىل قارۋلى كۇشتەر ءۇشىن ورنى تولماس قازا»، - دەدى قورعانىس ءمينيسترى.

ەسكە سالا كەتسەك، وسىدان ءۇش كۇن بۇرىن ارنايى جابدىقتالعان پوليگون اۋماعىندا (ارىس قالاسىنان 60 شاقىرىم جەردە) جينالعان وق-ءدارى فراگمەنتتەرىن جويۋ كەزىندە وق-دارىگە ۋاقىتىنان بۇرىن دەتوناتسيا جاسالعان. سالدارىنان توپ جەتەكشىسى، اسكەري ءبولىمنىڭ ينجەنەرلىك قىزمەتىنىڭ باستىعى، مايور ا. س. اقىشەۆ قازا تاپقان بولاتىن.

س ق و قورعانىس ىستەرى جونىندەگى دەپارتامەنتىنەن ءمالىم ەتكەندەي، وسى وقيعاعا بايلانىستى وڭىرگە ق ر قورعانىس ءمينيسترىنىڭ ورىنباسارى تيمۋر داندىبايەۆ باستاعان توپ جانە امانجول اقىشيەۆپەن قىزمەتتەس بولعان ارىپتەستەرى كەلە جاتىر. ق ر قارۋلى كۇشتەرى باس شتابى باستىعىنىڭ ورىنباسارى مۇحامەدجان تالاسوۆ وڭىرگە جەتتى. جەرلەۋ راسىمىنە بايلانىستى بارلىق شىعىندى مينيسترلىك ءوز موينىنا الدى. سونداي- اق ۆەدومستۆو مارقۇمنىڭ وتباسىنا ماتەريالدىق- الەۋمەتتىك كومەك بەرەتىن بولدى .

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات