+7 (701) 759 90 19
1 °С : نۇر-سۇلتان
7 °С : الماتى
USD 388.81 EUR 429.01
RUB 6.08 CNY 55.49
جاڭالىقتار

ءى ءى م ۆيتسە-ءمينيسترى بيشىمبايەۆتىڭ بوساپ شىعۋى تۋرالى پىكىر ءبىلدىردى

14 قازان 12:12
:ءبولىسۋ
ءى ءى م ۆيتسە-ءمينيسترى بيشىمبايەۆتىڭ بوساپ شىعۋى تۋرالى پىكىر ءبىلدىردى

نۇر-سۇلتان. قازاقپارات - ىشكى ىستەر ءمينيسترىنىڭ ورىنباسارى مارات قوجايەۆ بۇرىنعى ۇلتتىق ەكونوميكا ءمينيسترى قۋاندىق بيشىمبايەۆتىڭ بوساپ شىعۋىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«سوت شەشىمى شىقتى. جوعارعى سوت بۇل ىسكە قاتىستى ءمان- جايدى تۇسىندىرگەن بولاتىن. جوعارعى سوتتىڭ شەشىمىنە قاتىستى پىكىر بىلدىرۋگە قۇقىم دا، قۇزىرەتىم دە جوق. ءبارى زاڭ شەڭبەرىندە بولدى. قانداي ءنورماتيۆتى قۇجاتتاردىڭ قابىلدانعانى تۋرالى ءمان- جايدىڭ ءبارى تۇسىندىرىلگەن»، - دەدى ۆيتسە- مينيستر ۇكىمەت وتىرىسىنان كەيىن تىلشىلەرگە بەرگەن جاۋابىندا.

مارات قوجايەۆ بۇرىنعى مينيستر پروباتسيالىق باقىلاۋدا بولاتىنىن ءمالىم ەتتى.

«ءاۋ باستاعى ۇكىمگە قاتىستى شاعىم قارالىپ، سوت وتىرىسى ءوتتى. سوتتالۋ مەرزىمى مەنىڭ بىلۋىمشە 4 جىلعا دەيىن قىسقارعان. ول مەرزىمنىڭ ۇشتەن ەكى بولىگىن وتەگەن. جىلدان استام ۋاقىت قالعان. وسى مەرزىمدى وتەۋ وعان جەڭىلدەتىلگەن»، - دەدى ول.

ەسكە سالا كەتسەك، 11 -قازاندا شىمكەنت قالاسىنداعى تۇرمەدە جازاسىن وتەپ جاتقان قۋاندىق بيشىمبايەۆ بوستاندىققا شىقتى. بۇعان دەيىن سوتتالعان ءمينيستردىڭ قورعاۋشىسى ونىڭ جازاسىن وتەۋ ءتارتىبىن وزگەرتۋدى سۇراعان بولاتىن.

ەسكە سالا كەتسەك، بىلتىر ناۋرىز ايىندا بۇرىنعى ۇلتتىق ەكونوميكا ءمينيسترى مەن وسى ىسكە قاتىستى وزگە دە ايىپتالۋشىلارعا ۇكىم شىققان ەدى. سوت ۇكىمىمەن قۋاندىق بيشىمبايەۆتىڭ مۇلكى تاركىلەنىپ، 10 جىلعا سوتتالدى. سونىمەن بىرگە، ول ءومىر بويىنا مەملەكەتتىك قىزمەتتە جۇمىس ىستەۋ قۇقىعىنان ايىرىلدى.

بيىلعى 4 -قاڭتاردا قۋاندىق بيشىمبايەۆ شىمكەنتتەگى قاۋىپسىزدىگى ورتاشا تۇزەۋ مەكەمەسىنە اۋىستىرىلعان ەدى.

اۆتور: ايان بەكەن ۇلى


باستى سوزدەر: الةم, قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات