الماتى اۋەجايىندا ەكى يراندىق جالعان تولقۇجاتپەن ۇستالدى

الماتى. قازاقپارات - «الماتى» اۋەجايىندا شەكاراشىلار ەكى ايەلدى يراندىقتى يتاليا رەسپۋبليكاسىنىڭ قولدان جاسالعان پاسپورتىمەن ۇستادى، دەپ حابارلايدى قازاقپارات ق ر ۇ ق ك ش ق باسپا ءسوز قىزمەتىنە سىلتەمە جاساپ.

«12 -قازاندا ساعات 06.30 دا «الماتى» اۋەجايىنداعى «الماتى» وتكىزۋ پۋنكتىندە شەكاراشىلار يتاليا رەسپۋبليكاسىنىڭ جالعان پاسپورتىمەن «ىستانبۇل - الماتى» باعىتىمەن ۇشپاق بولعان ەكى يران ازاماتىن انىقتادى»، دەلىنگەن حابارلامادا.

باسپا ءسوز قىزمەتىنىڭ مالىمەتىنشە، شەكارا جاساعى اۋە رەيسىن رەسىمدەۋ كەزىندە ۇسىنىلعان قۇجاتتارداعى يتاليا پاسپورتتارىنىڭ جاساندى ەكەنى انىقتادى. بۇل قۇجاتتاردى ۇسىنعان يران ازاماتتارى ەكەندىگى بەلگىلى بولدى.

«شەكارا جاساعى اتالعان پاسپورتتاردى ءجىتى تەكسەردى. يتاليا پاسپورتتارى بەكتىلگەن ۇلگىگە سايكەس كەلمەيتىندىكتەن تولىق جاساندى ەكەنى انىقتالدى. «الماتى» وتكىزۋ پۋنكتىنىڭ شەكاراشىلارى جالعان قۇجات ۇسىنعانداردان يراننىڭ پاسپورتىن تاۋىپ الدى»، دەلىنگەن حابارلامادا.

شەكاراشىلاردىڭ مالىمەتىنشە، قۇقىق بۇزعاندار اناسى مەن قىزى بولعان.