+7 (701) 759 90 19
-6 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

قازاقستاندا اپتا ىشىندە بولعان كادرلىق تاعايىنداۋلار

14 قازان 06:24
:ءبولىسۋ
قازاقستاندا اپتا ىشىندە بولعان كادرلىق تاعايىنداۋلار

نۇر-سۇلتان. قازاقپارات - سوڭعى جەتى كۇن الدىڭعى اپتالارداي تاعايىنداۋلارسىز وتكەن جوق. ءبىرقاتار اكىمدىك پەن مينيسترلىكتە، قۇقىققورعاۋ ورگاندارىندا كادرلىق اۋىس-تۇيىستەر بولدى، دەپ حابارلايدى قازاقپارات ءتىلشىسى.

اپتا باسىندا ق ر پرەمەر- ءمينيسترىنىڭ وكىمىمەن اسقار سەرىكجان ۇلى جاكەنوۆ ق ر پرەمەر- ءمينيسترىنىڭ كەڭسەسى باسشىسىنىڭ ورىنباسارى قىزمەتىنە تاعايىندالدى. اسقار جاكەنوۆ 1975 -جىلى 13 -قىركۇيەكتە قاراعاندى قالاسىندا تۋعان. قاراعاندى مەملەكەتتىك تەحنيكالىق ۋنيۆەرسيتەتىن جانە «قاينار» ۋنيۆەرسيتەتىن ءتامامداعان. ەڭبەك جولىن 1998 -جىلى قاراعاندى قالاسىنداعى «كارگورماش- يتەكس» ج ت ا ق-دا باستادى.

1999 -جىلى ق ر ادىلەت مينيسترلىگىنە جۇمىسقا قابىلدانىپ، وندا جەتەكشى ماماننان باستاپ باسقارما باسشىسىنا دەيىن قىزمەت ەتكەن. 2004 - 2012 -جىلدار ارالىعىندا ق ر پرەمەر- ءمينيسترى كەڭسەسىنىڭ زاڭ ءبولىمى مەڭگەرۋشىسىنىڭ ورىنباسارى بولىپ ەڭبەك ەتتى. 2012 - 2013 -جىلدار ارالىعىندا ق ر پرەمەر-ءمينيسترى كەڭسەسىنىڭ زاڭناما، قورعانىس جانە قۇقىقتىق ءتارتىپ ءبولىمى مەڭگەرۋشىسىنىڭ ورىنباسارى. 2013 -جىلعى تامىزدان باستاپ قازىرگى ۋاقىتقا دەيىن قازاقستان رەسپۋبليكاسىنىڭ پرەمەر-ءمينيسترى كەڭسەسىنىڭ باقىلاۋ جانە قۇجاتتامالىق قامتاماسىز ەتۋ ءبولىمىنىڭ مەڭگەرۋشىسى بولدى.

وسى اپتاداي سونداي-اق، «Saryarqa Аqparat « مەدياحولدينگىنىڭ ديرەكتورلىعىنا ولجاس بەركىنبايەۆ كەلدى. ول 1991 -جىلى 19 -قاراشادا دۇنيەگە كەلگەن. ەكى جوعارى ءبىلىمى بار: 2013 -جىلى ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن «تاريحشى» ماماندىعى بويىنشا بىتىرگەن. 2015 -جىلى قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە «زاڭگەر» ماماندىعى بويىنشا ديپلوم الدى. 2016 -جىلى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە ساياسي عىلىمدار ماگيسترى دارەجەسىن العان.

ولجاس بەركىنبايەۆ ەڭبەك جولىن 2012 -جىلى «ق ر ىشكى ىستەر ورگاندارىنىڭ مەديا ورتالىعى» كومپانياسىنىڭ «ساقشى» گازەتىندە ءتىلشى بولىپ باستاعان. 2013 -جىلى پرەزيدەنتتىڭ كومەكشىسى، «اسكەري- ستراتەگيالىق زەرتتەۋلەر ورتالىعى» ا ق جەتەكشى ساراپشىسى بولدى.

2019 -جىلدىڭ مامىر ايىنان قازىرگى ۋاقىتقا دەيىن «ق ر تۇڭعىش پرەزيدەنتىنىڭ كىتاپحاناسى» م م باسپا ءسوز قىزمەتىنىڭ اعا ساراپشىسى مىندەتىن اتقارعان.

7 -قازاندا ەكىباستۇز قالاسى پوليتسيا باسقارماسىنىڭ باستىعى اۋىستى.

«ق ر ىشكى ىستەر ءمينيسترىنىڭ «قۇقىق قورعاۋ قىزمەتى تۋرالى» 30.09.2019 -جىلعى №531 -بۇيرىعىمەن ەكىباستۇز قالاسىنىڭ پوليتسيا باسقارماسىنىڭ باستىعى قىزمەتىنە ۆاسيليي سكليار (بۇعان دەيىن اقسۋ قالاسى پوليتسيا ءبولىمىنىڭ باستىعى) تاعايىندالدى»، - دەپ حابارلادى پاۆلودار وبلىستىق پوليتسيا دەپارتامەنتىنىڭ باسپا ءسوز قىزمەتىنەن.

ال اقمولا وبلىسىندا ءوتىپ بارا جاتقان اپتادا ەرلان قىزداربەك ۇلى مۇحامەندين شورتاندى اۋدانى اكىمىنىڭ مىندەتىن اتقارۋشى بولىپ تاعايىندالدى. ەرلان قىزداربەك ۇلى 1980 -جىلى تۋعان. 2000 -جىلى ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن «ەكونوميكا»، 2006 -جىلى «فەميدا» زاڭ اكادەمياسىن «زاڭگەر» ماماندىقتارى بويىنشا ءتامامداعان. 2017 -جىلى ەلورداداعى «قارجى اكادەمياسىندا» ەكونوميكا جانە بيزنەس ماگيسترى اكادەميالىق دارەجەسىن الدى.

ەڭبەك جولىن 2002 -جىلى شورتاندى اۋدانى بويىنشا سالىق ورگانىندا ءارتۇرلى لاۋازىمدا قىزمەت ەتۋدەن باستادى. 2006 -جىلى شورتاندى اۋداندىق كاسىپكەرلىك بولىمىندە باس مامان، 2007 -جىلى باسشىسى بولدى. 2009 -جىلدىڭ قاڭتارى مەن 2012 -جىلدىڭ تامىزى ارالىعىندا شورتاندى اۋدانى اكىمىنىڭ اپپارات باسشىسى قىزمەتىن اتقاردى. 2012 -جىلدىڭ تامىزىنان شورتاندى اۋدانى اكىمىنىڭ ورىنباسارى لاۋازىمىندا بولدى.

مەملەكەت باسشىسىنىڭ وكىمىمەن عابيت جاقىپباي ۇلى بايجانوۆ قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى - سىرتقى بارلاۋ قىزمەتىنىڭ ديرەكتورى قىزمەتىنە تاعايىندالدى.

عابيت جاقىپباي ۇلى بايجانوۆ 1963 -جىلى 1 -قاراشادا دۇنيەگە كەلگەن. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ «بارلاۋ» قىزمەتى ديرەكتورىنىڭ ورىنباسارى (2007)؛ «سىربار» سىرتقى بارلاۋ قىزمەتى ديرەكتورىنىڭ ءبىرىنشى ورىنباسارى (2009-2015)؛ «سىربار» سىرتقى بارلاۋ قىزمەتىنىڭ ديرەكتورى (2015-2018). 2018-2019 -جىلدارى قازاقستان رەسپۋبليكاسى پرەزيدەنتىنىڭ كومەكشىسى - قاۋىپسىزدىك كەڭەسىنىڭ حاتشىسى بولدى. 2019 -جىلعى اقپاننان بەرى «سىربار» سىرتقى بارلاۋ قىزمەتىنىڭ ديرەكتورى قىزمەتىن اتقارعان.

سونىمەن بىرگە، ايدار وتەنوۆ ەلباسى كومەكشىسى حاتشىلىعىنىڭ مەڭگەرۋشىسى بولىپ تاعايىندالدى.

ايدار وتەنوۆ 1983 -جىلى 13 -قىركۇيەكتە قاراعاندى قالاسىندا تۋعان. 2004 -جىلى «زاڭگەر» ماماندىعى بويىنشا ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن. 2010 -جىلى «ەسەپ جانە اۋديت باكالاۆرى» ماماندىعى بويىنشا قاراعاندى مەملەكەتتىك تەحنيكالىق ۋنيۆەرسيتەتىن بىتىرگەن. ەڭبەك جولىن 2004 -جىلى استانا قالاسىنداعى «كونتينەنت- ستروي» ج ش س-دە زاڭگەر بولىپ باستاعان.

2019 -جىلدىڭ ساۋىرىنەن باستاپ وسى كۇنگە دەيىن ق ر ءپىب «ماتەريالدىق- تەحنيكالىق قامتاماسىز ەتۋ باسقارماسى» م م باسشىسىنىڭ ورىنباسارى قىزمەتىن اتقارىپ كەلدى. ايتا كەتەيىك، حاتشىلىقتى وسى ۋاقىتقا دەيىن باسقارىپ كەلگەن ەلدار توماشوۆ باسقا قىزمەتكە اۋىسۋىنا بايلانىستى جۇمىسىنان بوساتىلدى.

بەلگىلى قازاقستاندىق بيزنەسمەن كەڭەس راقىشەۆ قازاقستان بوكس فەدەراتسياسىنىڭ پرەزيدەنتى بولىپ سايلاندى.

«ۇلتتىق وليمپيادالىق كوميتەتتىڭ پرەزيدەنتى رەتىندە بوكستىڭ دامۋىنا ۇلەسىمدى قوسا بەرەمىن. العا قويعان مىندەتتەردى ورىنداپ كەلەمىز. الداعى ۋاقىتتا دا سولاي بولارىنا سەنەمىن. ءوز ورنىما كەڭەس راقىشيەۆتى ۇسىنامىن»، - دەدى تيمۋر قۇلىبايەۆ ەلوردادا وتكەن قازاقستان بوكس فەدەراتسياسىنىڭ وتىرىسىندا. فەدەراتسيا مۇشەلەرىنىڭ بارلىعى ونىڭ كانديداتۋراسىن ءبىراۋىزدان قولدادى.

جوعارعى سوتتىڭ مامانداندىرىلعان سوت القاسىنىڭ ءتوراعاسى ايگۇل قىدىربايەۆا سوت تورەلىگى اكادەمياسىنىڭ پروفەسسور- وقىتۋشىلار قۇرامىنا جاڭا رەكتوردى تانىستىردى. زاڭ عىلىمدارىنىڭ كانديداتى، پروفەسسور زاۋرەش بايمولدينا رەكتور بولدى. زاۋرەش حاميت قىزى بايمولدينا 1985-1994 -جىلدارى - ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ وقىتۋشىسى، اعا وقىتۋشىسى، دوتسەنتى، زاڭ فاكۋلتەتى دەكانىنىڭ ورىنباسارى؛ 1994-1996 -جىلدارى - ادىلەت مينيسترلىگى ەكونوميكالىق زاڭناما ءبولىمىنىڭ باستىعى، زاڭدى تۇلعالاردى تىركەۋ باسقارماسىنىڭ، باس باسقارماسىنىڭ باستىعى؛ 1996-2005 -جىلدارى - قازاق مەملەكەتتىك زاڭ ينستيتۋتىنىڭ كافەدرا مەڭگەرۋشىسى، كاسىپكەرلىك جانە قۇقىق فاكۋلتەتىنىڭ دەكانى، دوتسەنتى، پروفەسسورى؛ 2005-2006 -جىلدارى - قورشاعان ورتانى قورعاۋ مينيسترلىگى نورماتيۆتىك- قۇقىقتىق قامتاماسىز ەتۋ باسقارماسىنىڭ باستىعى، قۇقىقتىق قامتاماسىز ەتۋ جانە حالىقارالىق ىنتىماقتاستىق دەپارتامەنتى ديرەكتورىنىڭ ورىنباسارى؛ 2006-2008 -جىلدارى - پرەزيدەنت اكىمشىلىگىنىڭ قۇقىق قورعاۋ جانە سوت جۇيەلەرى ءبولىمىنىڭ باس ساراپشىسى، باس ينسپەكتورى؛ 2008-2012 -جىلدارى - پرەزيدەنت اكىمشىلىگىنىڭ مەملەكەتتىك-قۇقىق ءبولىمىنىڭ ينسپەكتورى؛ 2012-2017 -جىلدارى - ادىلەت ءمينيسترىنىڭ ورىنباسارى؛ 2017 -جىلعى جەلتوقساننان باستاپ قازىرگى ۋاقىتقا دەيىن ورتالىق سايلاۋ كوميسسياسىنىڭ مۇشەسى بولىپ جۇمىس ىستەدى.

سونداي-اق، كەشە قانات سارسەمبايەۆ ق ر ءبىلىم جانە عىلىم مينيسترلىگىنىڭ جاۋاپتى حاتشىسى بولىپ تاعايىدالعانى حابارلاندى.

قانات مارات ۇلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن حالىقارالىق قۇقىق، زاڭگەر ماماندىقتارى بويىنشا ەكى شەت تىلىندە ءتامامداعان، زاڭ عىلىمىنىڭ كانديداتى. ەڭبەك جولىن 1998 -جىلدان «دانەكەر» حالىقارالىق قۇقىق جانە حالىقارالىق بيزنەس ينستيتۋتىنىڭ زاڭگەرى، قىزمەتىنەن باستادى.

2000 - 2002 -جىلدارى قازاقستان رەسپۋبليكاسى مەملەكەتتىك كىرىستەر مينيسترلىگىنىڭ زاڭ دەپارتامەنتى قۇقىقتىق ساراپتاما باسقارماسىنىڭ بولىمىندە باس مامان بولىپ ەڭبەك ەتتى. 2002 - 2005 -جىلدارى - ق ر پرەزيدەنتى اكىمشىلىگىنىڭ زاڭ شىعارۋ جانە قۇقىقتىق ساراپتاما ءبولىمىنىڭ باس ساراپشىسى. 2005 - 2011 -جىلدارى ق ر كونستيتۋتسيالىق كەڭەسى قۇقىقتىق ساراپتاما ءبولىمىنىڭ مەڭگەرۋشىسى بولدى. 2011 - 2015 -جىلدارى ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق- ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى قىزمەتىنە تاعايىندالدى. 2015 - 2017 -جىلدار ارالىعىندا قوستاناي وبلىسى ۇزىنكول اۋدانىنىڭ اكىمى لاۋازىمىن اتقاردى. 2017 -جىلدىڭ قازانىنان سولتۇستىك قازاقستان وبلىسى اكىمىنىڭ اپپاراتىن باسقاردى.

اۆتور: ايان بەكەن ۇلى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات