10:33, 14 - قازان 2019 | GMT +6
كاسىپكەر ۇشەم تاربيەلەپ وتىرعان وتباسىعا پاتەر سىيلادى
قىزىلوردا. قازاقپارات - قىزىلوردادا كاسىپكەر ماعجان ەراليەۆ ۇشەم تاربيەلەپ وتىرعان كوپبالالى كەنجەبەكوۆتەر وتباسىنا ءۇش بولمەلى پاتەردىڭ كىلتىن تابىس ەتتى، دەپ حابارلايدى قازاقپارات ءتىلشىسى.
م. ەراليەۆ باسشىلىق ەتەتىن سەرىكتەستىك 1994 -جىلى قۇرىلعان. اۋىل شارۋاشىلىعى سالاسىندا، ونىڭ ىشىندە ەلىمىزدىڭ كۇرىش يندۋسترياسىندا قارقىندى دامىپ كەلە جاتقان كومپانيانىڭ ءبىرى. كۇرىش وندىرىسىندە رەسپۋبليكا بويىنشا ۇزدىكتەردىڭ ۇشتىگىنە كىرەدى جانە بۇل سالاعا قوماقتى ينۆەستيتسيا قۇيىپ كەلەدى.
كاسىپكەر قالالىق اكىمدىك پەن «اتامەكەن» ۇلتتىق كاسىپكەرلەر پالاتاسىنىڭ قولداۋىمەن قولعا الىنعان «مەنىڭ اتامەكەنىم» الەۋمەتتىك جوباسى اياسىندا كوپبالالى جانۇياعا باسپانا سىيلادى.
كەنجەكبەكوۆتەر اۋلەتىندە وسىدان ءۇش جىلعا جۋىق ۋاقىت بۇرىن حاديشا، رايانا جانە ايشا ەسىمدى ۇشەم دۇنيەگە كەلگەن ەدى. وعان دەيىن ەكى ۇل بالا تاربيەلەپ وتىرعان ەدى. وتباسى جالدامالى پاتەردە تۇرىپ كەلدى. ۇشەمنىڭ اكەسى - نۇربولات قاراپايىم ەڭبەك ادامى.
اۆتور: ءادىلجان ۇمبەت