عالىمدار كۆانتتى كومپيۋتەر جاسادى

نۇر-سۇلتان. قازاقپارات - «عالىمدار كۆانتتى (ءبىر قۋاتتىڭ ەڭ كىشكەنتاي بولشەگى – رەد.) كومپيۋتەر قۇراستىردى. ول كلاسسيكالىق كومپيۋتەردەن نەسىمەن ەرەكشەلەنەدى؟»، دەپ جازادى Quanta Magazine.

اۆتوردىڭ ايتۋىنشا، Google جاريالاعان ماقالادا كۆانتتى كومپيۋتەر قۇراستىرىلعانى ايتىلعان.

«اۆتورلار كۆانتتى كومپيۋتەر كۆانتتى ەسەپتەۋلەردى قازىرگى تاڭداعى ەڭ قۋاتتى سۋپەركومپيۋتەرلەرگە قاراعاندا بىرنەشە مينۋتتا شىعارا الاتىنىن ايتادى. ەگەر بۇل راس بولسا، ەكسپەريمەنتالدى فيزيكادا ۇلكەن جەتىستىككە جەتتىك دەي بەرۋگە بولادى»، دەپ جازادى اۆتور. دەگەنمەن، ماقالادا كومپيۋتەرگە بەرىلگەن ەسەپتەۋلەر ارنايى ىرىكتەلگەنى جازىلعان.

«بۇل كلاسسيكالىق كومپيۋتەرگە قيىن بولعانىمەن، ونىڭ ەسەپتەلۋىنىڭ ەش پايداسى جوق. سوعان قاراماستان، ناتيجە كەرەمەت. ال عالىمدار كۆانتتى كومپيۋتەر كلاسسيكالىق كومپيۋتەردەن بىرنەشە ەسە قۋاتتى ەكەنىنە دالەل بار ەكەنىن ايتتى»، دەپ جازادى اۆتور. ياعني، كومپيۋتەردىڭ جۇمىس ىستەيتىنى بەلگىلى بولعاندىقتان، ەندى وعان پايدالى وپەراتسيالاردى جاساتۋعا بولادى.

«كۆانتتى كومپيۋتەردى باسقارۋ وتە قيىن. سول سەبەپتى ەگەر بۇل جۇيەنى اقپاراتتى ساقتاۋ جانە وڭدەۋ ءۇشىن پايدالانعىمىز كەلسە، ونى قورشاعان ورتادان وقشاۋ ۇستاۋ كەرەك. سونىمەن قاتار جۇيەنى سىرتتان باقىلاۋ قاجەت بولادى. بۇل كريتەريلەرگە ساي كەلەتىن كۆانتتى جۇيەنى جاساۋ وتە قيىن»، دەپ جازادى اۆتور.

اۆتور: ايكۇمىس بولاتبەك