+7 (701) 759 90 19
-14 °С : نۇر-سۇلتان
-10 °С : الماتى
USD 385.01 EUR 425.78
RUB 6.05 CNY 54.68
جاڭالىقتار

ون جىل بۇرىن جابىلعان قازاقستانمەن وزبەكستاننىڭ شەكارا بەكەتى قايتا اشىلادى

14 قازان 09:58
:ءبولىسۋ
ون جىل بۇرىن جابىلعان قازاقستانمەن وزبەكستاننىڭ شەكارا بەكەتى قايتا اشىلادى

اقتوبە. قازاقپارات - اقتوبە وبلىسىنىڭ اكىمى شالقار اۋدانىنا ىسساپارمەن باردى، دەپ حابارلايدى قازاقپارات ءتىلشىسى وبلىس اكىمىنىڭ باسپا ءسوز قىزمەتىنە سىلتەمە جاساپ.

الدىمەن اۋدان اكىمى باۋىرجان قانيەۆ اۋىل شارۋاشىلىق، جول قۇرىلىسى، ينۆەستيسيا تارتۋ ماسەلەلەرىنە توقتالىپ، الەۋمەتتىك- ەكونوميكالىق جۇمىستاردى باياندادى. اۋداندا شاعىن جانە ورتا كاسىپكەرلىك سالاسى ارتىپ كەلەدى. ونەركاسىپ ءوندىرىسىنىڭ كولەمى، بيىل سەگىز ايدا 10936,8 ميلليون تەڭگەنى قۇراعان.

«پرەزيدەنت قاسىم-جومارت توقايەۆتىڭ تاپسىرمالارىندا حالىقتىڭ ءال-اۋقاتىن ارتتىرۋعا ەرەكشە كوڭىل ءبولىنىپ وتىر. سونداي-اق، 2018-2019 -جىلدارى شالقار- بوزوي باعىتىنداعى اۆتوكولىك جولىنىڭ 20 شاقىرىمىنا 611,2 ميلليون تەڭگە قارجى ءبولىنىپ، ورتاشا جوندەۋ جۇمىستارى جۇرگىزىلسە، الداعى جىلى 50 شاقىرىم جولدى جوندەۋ جوسپاردا بار»، - دەپ اتاپ ءوتتى ءوڭىر باسشىسى اۋىل تۇرعىندارىمەن كەزدەسۋدە.

جيىندا اقتوبە وبلىسىنىڭ پروكۋرورى مارات قايبجانوۆ اۋدانداعى قۇقىق بۇزۋشىلىق كورسەتكىشىن باياندادى. بيىل اۋداندا 123 قىلمىستىق قۇقىقبۇزۋشىلىق تىركەلگەن. بۇل 2018 -جىلمەن سالىستىرعاندا 35 قىلمىسقا از. مال ۇرلىعىنا قاتىستى قىلمىستار وتكەن جىلمەن سالىستىرعاندا 22 دەن 16 عا تومەندەگەن. دەگەنمەن وسى باعىتتاعى ءاربىر ەكىنشى مال ۇرلىعى اشىلماي وتىر. «اۋدان حالقىنىڭ تۇرمىس- تىرشىلىگىنىڭ باسىم باعىتى مال- شارۋاشىلىعى ءوندىرىسى بولىپ تابىلادى. سوندىقتان ۇرلانعان ءار مال باسى تۇرعىنداردىڭ الەۋمەتتىك جاعدايىنا كەرى اسەرىن تيگىزۋدە»، - دەدى مارات قايبجانوۆ.

ايماق باسشىسى اۋداندىق پوليتسيا قىزمەتكەرلەرىنە قىلمىستىڭ الدىن الۋدى، قاجەتتى ورىنداردى بەينەكامەرالارمەن جابدىقتاۋ جۇمىسىن جانداندىرۋدى تاپسىردى. بوزويلىق تۇرعىندار وبلىس اكىمىنە ينتەرنەت جەلىسىن تارتۋ، كارىز، ەلەكتر جۇيەلەرىن قايتا جاڭعىرتۋ ماسەلەلەرىنە قاتىستى سۇراقتار قويدى. اتالعان تۇيىتكىلدىڭ شەشىلۋىنە ىقپال ەتۋدى سۇرادى. وڭداسىن ورازالين اۋدان اكىمىنە ينتەرنەت جەلىسىن كەلەسى جىلدىڭ سوڭىنا دەيىن ىجداعاتتاپ ەنگىزۋدى تاپسىردى. سونىمەن قاتار «قاراپايىم زاتتار ەكونوميكاسى» باعدارلاماسى اياسىنداعى جۇمىستاردى، اۋدانداعى حالقى سانى 50 ادامنان از تۇراتىن 9 ەلدىمەكەندى قولدانىستاعى زاڭناما اياسىندا تاراتۋ ماسەلەسىن قاراستىرۋدى، تاماق ونەركاسىبىنە ينۆەستيسيالار تارتۋ جۇمىستارىن كۇشەيتىپ، الەۋمەتتىك ماڭىزى بار ازىق-تۇلىك باعالارىنىڭ وسپەۋىن باقىلاۋدا ۇستاۋ قاجەتتىگىن ايتتى.

وبلىس اكىمى كەدەن بەكەتىنىڭ ماسەلەسىن دە تىس قالدىرمادى.

«2005 -جىلى بوزويمەن شەكتەسەتىن قازاقستان مەن وزبەكستان مەملەكەتتەرىنىڭ شەكاراسى جابىلعان بولاتىن. 70 تەن استام ادام جۇمىس جاساعان كەدەندىك وتكىزۋ بەكەتىنەن كەزىندە شامامەن ايىنا 500-600 دەيىن اۆتوكولىك قاتىنادى. ياعني، كورشىلەس رەسپۋبليكادان كوكونىس، جەمىس-جيدەك ت. ب تۇرمىسقا پايدالاناتىن زاتتار تاسىمالداندى. الداعى ۋاقىتتا وسى كەدەن بەكەتىن قايتا اشۋدى قولعا الىپ جاتىرمىز. جوبا جۇزەگە اسقان جاعدايدا وزبەكستاننان ارزان كوكونىس، باقشا ونىمدەرى جەمىس-جيدەكتەر تاسىمالدانىپ، ءبىزدىڭ ەلدەن مال ونىمدەرى وتكىزىلمەك»، - دەدى ءوڭىر باسشىسى.

تۇرعىندار جەر، مال شارۋاشىلىعىنا قاتىستى ساۋالدارمەن وبلىس اكىمىنىڭ جەكە قابىلداۋىندا بولدى. ايماق باسشىسى باۋىرجان قانيەۆكە اۋىل شارۋاشىلىق كاسىبىن قولعا الۋعا نيەتتى تۇرعىندارعا قولداۋ كورسەتۋدى تاپسىردى. وڭداسىن ورازالين بۇدان سوڭ قۇلاندى شەكارا بەكەتىندە بولىپ، اسكەري قالاشىقتى ارالادى. زاستاۆا باسشىسى قارشىعا تەشەباي وبلىس اكىمىن جەكە قۇراممەن كەزدەستىرىپ، جۇمىستارمەن تانىستىردى. شەكارالىق زاستاۆا قاجەتتى ماتەريالدىق-تەحنيكالىق بازامەن تۇگەل قامتىلعان.

اۆتور: التىناي ساعىندىقوۆا


باستى سوزدەر: الةم, ةكونوميكا, ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات