سولتۇستىك قازاقستاندا ازىق-تۇلىك باعاسى قىمباتتادى

None
None
پەتروپاۆل. قازاقپارات - سولتۇستىك قازاقستان وبلىسىندا ستاتيستيكا دەپارتامەنتى وتكەن توعىز ايداعى ينفلياتسيا بويىنشا مالىمەت بەرىپ، قىركۇيەك ايىنداعى كۇنكورىستىڭ ەڭ تومەن دەڭگەيىنىڭ شاماسىن ەسەپتەدى، دەپ حابارلايدى قازاقپارات ءتىلشىسى.

س ق و ستاتيستيكا دەپارتامەنتىنىڭ اقپارىنشا، قىركۇيەك ايىنداعى كۇنكورىس مينيمۋمى 30 مىڭ 085 تەڭگەنى قۇرادى. تۇتىنۋ قورجىنى جىل باسىنان %22 ارتقان. شىعىننىڭ ۇلكەن بولىگى ەت پەن بالىقتى الۋعا، ءسۇت ونىمدەرى مەن جۇمىرتقاعا، كوكونىس پەن جەمىس- جيدەككە تيەسىلى ەكەن.

سوڭعى توعىز ايدا ينفلياتسيا (اينالىمداعى اقشانىڭ قۇنسىزدانۋى – رەد.) %3,5 جەتكەن. ۇن، كۇرىش، نان-توقاش جانە ۇننان پىسىرىلەتىن كونديتەرلىك تاعامداردىڭ، ماكاروننىڭ، جارما مەن جۇمىرتقانىڭ، بالىق، ءسۇت ونىمدەرى، ەت پەن جەمىس- جيدەكتىڭ باعاسى ءوستى. سونىڭ ىشىندە بانان بىردەن %22 قىمباتتادى.

اپەلسين مەن ءجۇزىم ازداپ ارزاندادى. سونىمەن بىرگە ماۋسىمدىق كوكونىستەر - قيار، قىزاناق، بۇرىش پەن قىزىلشا باعاسى تومەندەدى. ال ءسابىز، كارتوپ، پياز بەن قىرىققابات كەرىسىنشە %15 پەن %26 ارالىعىندا قىمباتتادى.

قىمباتتاعان تاۋارلاردىڭ ىشىندە كانسەلياريا، قۇرىلىس ماتەريالدارى، كيىم-كەشەك پەن اياق كيىم، جۋۋعا ارنالعان زاتتار مەن ءدارى-دارمەك بار.

سونداي-اق، سولتۇستىك قازاقستاندىقتار جالعا بەرىلەتىن پاتەر ءۇشىن، دەمالىس ورىندارىندا كوڭىل كوتەرۋگە جانە ءسان سالوندارىندا ادەتتەگىدەن كوبىرەك اقشا تولەيتىن بولادى.

اۆتور: اقەركە داۋرەنبەك قىزى

سوڭعى جاڭالىقتار