09:23, 14 - قازان 2019 | GMT +6
ۇيىندە تەمەكى تارتقان ورالدىق اجال قۇشتى
ورال. قازاقپارات - ورالدا تۇرعىن ءۇي جانىپ، ءبىر ادام مەرت بولدى، دەپ حابارلايدى قازاقپارات ءتىلشىسى.
ب ق و توتەنشە جاعدايلار دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، وقيعا كەشە ساعات 06.57-دە زاچاگان كەنتىندە بولدى.
كەنتتەگى 3-يا لينەينايا كوشەسى، 11-مەكەنجايىندا تۇرعىن ءۇي وتقا وراندى. 100 شارشى مەتردى قامتىعان ءورت ورنىنان جانىپ كەتكەن 1963 -جىلعى ازاماتتىڭ مۇردەسى تابىلدى.
جالىن 07.42 دە وقشاۋلانىپ، 07.56 دا ءسوندىرىلدى.
الدىن الا مالىمەت بويىنشا، ءورت تەمەكى تارتۋ كەزىندە قاۋىپسىزدىك تالاپتارىن ساقتاماۋدان بولعان.
اۆتور: ەلجان ەرالى