پاۆلودارلىق پوليتسەيلەر ۇزاق جولدى اۆتوبۋس جۇرگىزۋشىلەرىنە ءشاي مەن باۋىرساق تاراتۋدا

پاۆلودار. قازاقپارات - پاۆلودارلىق پوليتسەيلەر كولىك جۇرگىزۋشىلەرىنە جول اپاتتارىنىڭ بىردەن-ءبىر سەبەبى - شارشاۋمەن كۇرەسۋگە قول ۇشىن سوزۋدا، دەپ حابارلايدى «قازاقپارات» ح ا ا ءتىلشىسى.

«اتالمىش شارا اياسىندا ءتارتىپ ساقشىلارى جولداردا اۆتوبۋس جۇرگىزۋشىلەرىن توقتاتىپ، باۋىرساق پەن حوش ءيىستى ءشاي ۇسىنىپ جاتىر. دەگەنمەن، جول ءجۇرۋ ەرەجەسىن بۇزعاندارعا پوليتسەيلەر اكىمشىلىك حاتتامالار دا تولتىرۋدا»، - دەپ ءمالىم ەتتى پاۆلودار وبلىستىق پوليتسيا دەپارتامەنتىنىڭ باسپا ءسوز قىزمەتىنەن.

پوليتسەيلەردىڭ ايتۋىنشا، وبلىس اۋماعىندا «اۆتوبۋس» رەسپۋبليكالىق جەدەل الدىن الۋ شاراسى وتكىزىلىپ جاتىر. اكسيا ماقساتى جۇرگىزۋشىلەرگە تاماق ۇسىنۋ عانا ەمەس، سونداي-اق جول ءجۇرۋ ەرەجەلەرىن ساقتاۋدى، جولاۋشىلارمەن ادەپتى بولۋدى، رولدە قىراعىلىقتى جوعالتپاي، تراسسادا ءوزارا سىيلاستىقتى ساقتاۋدى ەسكە ءتۇسىرۋ.

پوليتسيا «پاۆلودار- قىزىلوردا» تاسجولىن كەزدەيسوق تاڭداعان جوق. جول اپاتتارىنىڭ باسىم كوپشىلىگى ءدال وسى جولدا بولادى. جىل باسىنان بەرى رەسپۋبليكالىق ماڭىزى بار جولداردا 75 كولىك اپاتى تىركەلگەن. سالدارىنان 16 ادام كوز جۇمىپ، 178 ادام زارداپ شەكتى.