+7 (701) 759 90 19
-20 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

مەدەۋگە الماتىداعى ەڭ ۇلكەن مەملەكەتتىك تۋ ورناتىلدى

14 قازان 08:16
:ءبولىسۋ
مەدەۋگە الماتىداعى ەڭ ۇلكەن مەملەكەتتىك تۋ ورناتىلدى

الماتى. قازاقپارات - مەدەۋ مۇز ايدىنىنىڭ ماڭىنا الماتىداعى ەڭ ۇلكەن مەملەكەتتىك تۋ ورناتىلدى، دەپ حابارلايدى قازاقپارات.سالتاناتتى شاراعا تانىمال سپورتشىلار مەن جاستار ۇيىمدارىنىڭ وكىلدەرى قاتىستى.

«الماتىدا كوك بايراقتى كوتەرۋ سيمۆولدىق مانگە يە. الماتى - قازاقستاننىڭ ماقتانىشى. ءدال وسى جەردە تۇڭعىش پرەزيدەنت- ەلباسى نۇرسۇلتان نازاربايەۆ ەلىمىزدىڭ تاۋەلسىزدىگىن جاريالاپ، مەملەكەتتىك رامىزدەر، كونستيتۋتسيا جانە ۇلتتىق تەڭگەمىز قابىلداندى. سونداي-اق تۋدىڭ ناقتى مەدەۋگە ورنالاستىرىلۋى تەگىننەن ەمەس. سەبەبى، ءدال وسى جەردە وتاندىق جانە الەمدىك سپورتشىلاردىڭ قاتىسۋىمەن جۇزدەگەن الەمدىك رەكوردتار ورناتىلدى. سول سياقتى بۇل جەردە ازيادا مەن ۋنيۆەرسيادا ءوتتى. مەملەكەت باسشىسى قاسىم-جومارت توقايەۆ ايتقانداي: «قازاقستاننىڭ بايراعى كوك اسپاندا سامعاعاندا ەلىمىز ءۇشىن، تاۋەلسىزدىكتىڭ ارقاسىندا جەتكەن جەتىستىكتەرىمىز ءۇشىن جۇرەگىمىزدى ماقتانىش كەرنەيدى«. ۇلتتىق باسكەتبول فەدەراتسياسىنا وسىنداي كەرەمەت سىي ءۇشىن ۇلكەن راحمەت!»، - دەدى «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك.

شاراعا قاتىسقان وليمپيادا چەمپيونى جاقسىلىق ۇشكەمپىروۆ سپورتتىڭ ارقاسىندا الەمنىڭ كوپتەگەن ەلدەرىندە بولعانىن، ءبىراق ونىڭ باستى ماحابباتى ءوز ەلى بولعانىن ايتتى.

«بۇل جەرگە قامقور بولۋ جانە ونىڭ وركەندەۋ جولىندا ەڭبەك ەتۋ كەلەشەك ۇرپاقتىڭ ەنشىسىندە. ناق سول جاستار سپورتشىلارىمىزدىڭ قازاقستان تۋىن جەلبىرەتىپ، ءانۇرانىن اۋەلەتۋ ءداستۇرىن جالعاستىرادى. مەدەۋگە كەلگەن ءاربىر جەرلەسىمىز جەلبىرەپ تۇرعان كوك تۋىمىزدى كورىپ، وتانى ءۇشىن ماقتاناتىن بولادى»، - دەدى ارداگەر سپورتشى.

ايتا كەتسەك، مەدەۋگە مەملەكەتتىك تۋدىڭ ورناتىلۋى ۇلتتىق باسكەتبول فەدەراتسياسىنىڭ باستاماسىمەن «Nur Otan» پارتياسىنىڭ جانە الماتى قالاسى اكىمدىگىنىڭ قولداۋىمەن جۇزەگە اسىرىلدى. تۋتۇعىردىڭ بيىكتىگى - 40 مەتر. تۋدىڭ ەنى - 7 مەتر، ۇزىندىعى - 14 مەتر.

اۆتور: ءالي يبرايەۆ


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات