+7 (701) 759 90 19
-10 °С : نۇر-سۇلتان
-2 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

الماتىداعى كوكتوبەگە نۇرسۇلتان نازاربايەۆ قىزعالداقتارى وتىرعىزىلدى

14 قازان 07:39
:ءبولىسۋ
الماتىداعى كوكتوبەگە نۇرسۇلتان نازاربايەۆ قىزعالداقتارى وتىرعىزىلدى

الماتى. قازاقپارات - الماتىدا «Jasyl Almaty» كوگالداندىرۋ اكسياسى اياسىندا كوكتوبە بوكتەرىنە سيۆەرس الماسىنىڭ كوشەتتەرى مەن قىزعالداقتىڭ «قازاقستان» جانە «نۇرسۇلتان نازاربايەۆ» اتتى تۇرلەرى وتىرعىزىلدى، دەپ حابارلايدى قازاقپارات.

اتالعان كوگالداندىرۋ اكسياسىنا 500 گە جۋىق ادام قاتىستى، ونىڭ 200 گە جۋىعى ستۋدەنتتەر مەن ەرىكتىلەر. بارلىعى سيۆەرس الماسىنىڭ 40 مىڭ كوشەتى جانە «قازاقستان» جانە «نۇرسۇلتان نازاربايەۆ» سۇرپىنان 500 قىزعالداق باداناسى وتىرعىزىلدى.

الماتىنىڭ «جاسىل» ەكونوميكا باسقارماسىنىڭ ماماندارى اتاپ وتكەندەي، كوشەتتەر ارنايى الاڭدا ءبىر-بىرىنەن 4 مەتر اراقاشىقتىقتا ورنالاستىرىلدى.

قالا اكىمىنىڭ ورىنباسارى ەرجان باباقۇماروۆ شاھار باسشىسى باقىتجان ساعىنتايەۆتىڭ باستاماسىمەن قولعا الىنعان «Jasyl Almaty» كوگالداندىرۋ اكتسياسىنىڭ ەرەكشەلىگىن اتاپ ءوتتى.

«اكسيا باستالعالى 10 مىڭداعان ءتۇرلى اعاش كوشەتتەرى وتىرعىزىلدى. بۇل دەگەنىمىز قالا جاسىل- جەلەككە بولەنىپ، ەكولوگيالىق جاعداي جاقسارىپ، اۋا تازارا تۇسەدى دەگەن ءسوز»، - دەدى ە. باباقۇماروۆ.

ايتا كەتسەك، كوكتوبە تاۋ بوكتەرى تامىز ايىندا تۇتانعان ورتتەن زارداپ شەككەن بولاتىن.

ەسكە سالا كەتسەك، بۇعان دەيىن باقىتجان ساعىنتايەۆتىڭ قاتىسۋىمەن موحناتكا تاۋىندا شرەنك شىرشاسىنىڭ كوشەتتەرى وتىرعىزىلدى.

سونداي-اق، كەشە قالانىڭ 110 مەكتەبىندە 4 مىڭنان استام ءارتۇرلى اعاش تۇرلەرى پايدا بولدى.

«Jasyl Almaty» ءۇشجىلدىق كوگالداندىرۋ اكسياسىنىڭ اياسىندا جالپى قالا بويىنشا ميلليوننان استام اعاش وتىرعىزۋ جوسپارلانۋدا، ونىڭ ىشىندە الدىمەن، الاتاۋ، ناۋرىزباي، جەتىسۋ جانە المالى اۋداندارىندا.

مامانداردىڭ ەسەبى بويىنشا، قازىر الماتىدا 2,2 ميلليون ءتۇپ اعاش بار، ونىڭ 550 مىڭىنىڭ اجارى كەتكەن. قالانى كوگالداندىرۋعا ەكولوگيالىق ۇكىمەتتىك ەمەس ۇيىمدار، ازاماتتىق بەلسەندىلەر، بيزنەس وكىلدەرى جۇمىلدىرىلۋدا.

اۋدارما: ءالي يبرايەۆ


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات