+7 (701) 759 90 19
-24 °С : نۇر-سۇلتان
-4 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

ءابىش كەكىلباي ۇلىنىڭ مەرەيتويىنا وراي، ءابىشتىڭ اناسىنا ارنالعان ەسكەرتكىش اشىلدى

14 قازان 07:18
:ءبولىسۋ
ءابىش كەكىلباي ۇلىنىڭ مەرەيتويىنا وراي، ءابىشتىڭ اناسىنا ارنالعان ەسكەرتكىش اشىلدى

ماڭعىستاۋ. قازاقپارات - ابىز جازۋشى، مەملەكەت جانە قوعام قايراتكەرى ءابىش كەكىلباي ۇلىنىڭ 80 جىلدىق مەرەيتويى تۋعان جەرىندە دە كەڭ كولەمدە اتالىپ ءوتتى.

مەرەكەلىك شاراعا 3 مىڭ ادام جينالدى، دەپ حابارلايدى قازاقپارات ءتىلشىسى.

ءابىش كەكىلباي ۇلى كەكىلبايەۆ 1939 -جىلى 6 -جەلتوقساندا ماڭعىستاۋ اۋدانىنا قاراستى وندى اۋىلىندا دۇنيەگە كەلگەن. جازۋشىنىڭ تۋعان اۋىلىنا جينالعان قوناقتار، الدىمەن «اي-انا» مەموريالدىق-ەسكەرتكىشىنە گۇل شوقتارىن قويدى. «اي-انا» كەشەنى ەل انالارىنىڭ قۇرمەتىنە، ابىشتەي دانانى دۇنيەگە اكەلگەن ايساۋلە اناعا ارناپ تۇرعىزىلعان.

مەيماندار ءابىش كەكىلباي ۇلى ءبىلىم العان وندى ورتا مەكتەبىندە بولىپ، ءبىلىم وشاعىنىڭ تاريحىمەن تانىستى. ارنايى ۇيىمداستىرىلعان تانىمدىق شارالاردى تاماشالادى. مەكتەپتە ء«ابىش وقۋلارى» رەسپۋبليكالىق بايقاۋى جىل سايىن وتكىزىلىپ تۇرادى.

مەرەكەلىك شارالار اۋدان ورتالىعى شەتپە اۋىلىندا جالعاستى. ورتالىق الاڭدا «ءابىش اۋىلى» كيىز ءۇي- قالاشىعى بوي تۇزەدى. قاز- قاتار 30 كيىز ءۇي تىگىلىپ، ءۇش مىڭعا جۋىق ادام جينالدى. اۋدان تۇرعىندارى مەن قوناقتار استان ءدام تاتىپ، كونسەرتتىك باعدارلامانى تاماشالادى.

ماڭعىستاۋ اۋدانىندا وتكەن مەرەكەلىك كەشتە قازاقستاننىڭ ءار ايماعىنان جينالعان سازگەرلەردىڭ ءابىش كەكىلبايەۆ پەن فاريزا وڭعارسىنوۆاعا ارناپ شىعارعان اندەرى شىرقالدى. وعان جامبىل وبلىسىنان «فاريزا جان» ءانىنىڭ اۆتورى، ق ر مادەنيەت سالاسىنىڭ ۇزدىگى ابيىربەك ءتىنالى، الماتى قالاسىنان قازاق ەستراداسىنىڭ جارىق جۇلدىزى روزا ءالقوجا، قىزىلوردا وبلىسىنان كومپوزيتور جاقسىگۇل بەگمانوۆا، اقتوبە وبلىسىنا مارعۇلان قۇلماعانبەتوۆ جانە ماڭعىستاۋلىق اقىن-سازگەرلەر قاتىستى.

ماڭعىستاۋ اۋداندىق مادەنيەت ۇيىندە ماڭعىستاۋ وبلىستىق فيلارمونياسى ارتىستەرىنىڭ قاتىسۋىمەن «مۇنارتاۋ» اتتى كونسەرتتىك باعدارلاما ۇسىنىلدى. شارادا ابىزدىڭ «ماحامبەت تولعاۋى»، «قاراتاۋ»، «قۇز باسىندا قۇلجا تۇر» سياقتى ولەڭدەرى ماقام سازبەن ادەپتەلىپ، جىر تۇرىندە ۇسىنىلدى، ارنايى جازىلعان اندەر ورىندالدى.

جازۋشىنىڭ 80 جىلدىق مەرەيتويىن مادەنيەت ۇيىندە وتكەن جازبا اقىندار ءمۇشايراسى قورىتىندىلادى.






اۆتور: ءلايلىم ءالىم


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات