قاسىم- جومارت توقايەۆ استاناداعى ەكولوگيالىق اكسياعا قالاي قاتىستى. ۆيدەو

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆتىڭ ەلورداداعى ەكولوگيالىق سەنبىلىككە قاتىسقانى تۋرالى ۆيدەو جاريالاندى، دەپ حابارلايدى قازاقپارات.

قازاقستان پرەزيدەنتى جۇرتشىلىقپەن بىرگە بوتانيكالىق باقتا اعاش وتىرعىزدى. اكسياعا قاتىسۋشىلار اراسىندا جاستاردى، ەل سپورتشىلارىن، مەملەكەت جانە قالا بيلىگى ورگاندارىنىڭ باسشىلارىن كورۋگە بولادى.

بىرگە اتقارىلعان يگى ىستەن كەيىن ق. توقايەۆ حالىقپەن سۇحبات قۇرىپ، فوتوعا ءتۇستى.

اقوردانىڭ باسپا ءسوز قىزمەتىنەن ءمالىم ەتكەندەي، اكسيا بارىسىندا 300 كوشەت وتىرعىزىلدى. جالپى  ەلوردا كوشەلەرى مەن ساياباقتارىندا 5 مىڭ اعاش ەگىلدى.

ايتا كەتەيىك، بوتانيكالىق ب ا ق 2018 -جىلى ەلوردانىڭ 20 جىلدىعى قارساڭىندا قۇرىلعان بولاتىن. ول بيىلعى ءساۋىر ايىنان باستاپ كەلۋشىلەرگە ەسىگىن ايقارا اشتى. باقتىڭ جالپى اۋماعى 90 گەكتار، وندا 90 مىڭعا جۋىق اعاش پەن كوشەتتەر، 600-دەن استام كوللەكسيالىق وسىمدىك وتىرعىزىلعان.

ەلوردانىڭ جاڭا مادەني نىسانىندا سيرەك كەزدەسەتىن وسىمدىكتەردىڭ ورانجەرەياسى، جاياۋ جۇرگىنشىلەرگە ارنالعان كوپىرى بار جاساندى سۋ ايدىنى، ۆەلوجولاق جانە جۇگىرۋگە ارنالعان جولاقتار بار. باقتىڭ جانىندا 141 مىڭ شارشى مەتر اۋماققا جاسىل جەلەك وتىرعىزىلعان ساياباق ورنالاسقان. مۇندا 10 مىڭ اعاش ەگىلگەن.

اۆتور ميرا تولەندى قىزى