كليماتتىڭ وزگەرۋى پسيحيكاعا كەرى اسەرىن تيگىزەدى - زەرتتەۋ
ماقالادا اۆتور ۆۋستەر ۋنيۆەرسيتەتىنىڭ پسيحولوگى پروفەسسورى سيۋزەن كلەيتوننىڭ بايانداماسى تۋرالى ايتادى. ونىڭ بايانداماسىندا كليماتتىڭ وزگەرۋى اقپاراتتى وڭدەۋ جانە ەموتسيونالدى رەاكسيالاردان كەيىن شەشىم قابىلداۋ قابىلەتىنە قاۋىپ ءتوندىرىپ تۇر.
«كليماتتى الاڭداۋ - كليماتتىق دەپرەسسيا سياقتى. ءتىپتى، قازىرگى تاڭدا كليمات بويىنشا پسيحولوگتار دا جۇمىس ىستەي باستاعانى بەلگىلى. كوبىنە كليماتتىڭ وزگەرۋىنە قاتتى الاڭدايتىن ادامدار قانداي دا ءبىر ەكولوگيالىق ۇيىمعا مۇشە بولىپ، بەلسەندى جۇمىسپەن اينالىسقاندا عانا پسيحولوگيالىق تۇرعىدا وزدەرىن جاقسى سەزىنە باستايدى»، دەپ جازادى اۆتور.
ونىڭ ايتۋىنشا، نيۋ يورك ۋنيۆەرسيتەتىنىڭ قورشاعان ورتا گيگيەناسى كلينيكاسىنىڭ ماماندارى زەرتتەۋ جۇرگىزگەن. عالىمدار ويدان ىسكە كوشكەن ادامداردا عانا پسيحولوگيالىق تۇراقتىلىق بولعانىن انىقتاعان.
«ادام قورىققاندا ءتۇرلى قورعانىش مەحانيزمدەرى ىسكە قوسىلادى. كليماتتىق داعدارىستا مۇنىڭ ەش پايداسى جوق. ءتىپتى، كەيبىر ادامدار وزدەرىن قورشاعان ورتا الدىندا كىنالى سەزىنەدى ەكەن. نەگىزىندە، كىنادان گورى جاۋاپكەرشىلىكتىڭ باسىم بولعانى دۇرىس»، دەيدى ورەگونداعى ۋيللامەتت ۋنيۆەرسيتەتىنىڭ پسيحولوگى سبيۋزەن م. كوگەر.
اۆتور: ايكۇمىس بولاتبەك