+7 (701) 759 90 19
-4 °С : نۇر-سۇلتان
-3 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

اۋىلعا بارسام، ءبىر ءتۇپ جۋساندى يىسكەيمىن - ەلباسى

12 قازان 13:02
:ءبولىسۋ
اۋىلعا بارسام، ءبىر ءتۇپ جۋساندى يىسكەيمىن - ەلباسى

نۇر- سۇلتان. قازاقپارات - ەلباسى نۇرسۇلتان نازاربايەۆ اۋىلعا دەگەن قامقورلىقتى مەملەكەت ءاردايىم نازاردا ۇستاۋى كەرەكتىگىن ەسكە سالدى، دەپ حابارلايدى قازاقپارات ءتىلشىسى.

«ستۋدەنت كەزدە جازداي اۋىلعا بارىپ، بيداي وراتىنبىز. قىركۇيەك پەن قازاندا بارلىعىن وقۋدان الىپ قالىپ، اۋىلعا جىبەرەتىن. اۋىلدىق جەرگە بارلىق جۇك كولىگىن، تەحنيكانى، ەلەكتريكتى، اسكەردى - بارلىعىن جىبەرەتىن. قازىر ەشبىر فەرما ەشكىمدى العىسى كەلمەيدى. سەبەبى، ارتىق اقشا تولەگىسى جوق. سوندىقتان، بۇنىڭ ەكى جاعى بار. ەكى جاعىنىڭ دا شەشىمى بار. قازىر ءبىز اۋىل شارۋاشىلىعىنا جىل سايىن مامانداردى جىبەرىپ جاتىرمىز. ولارعا كوتەرىڭكى جالاقى بەرىلۋدە. اۋىل شارۋاشىلىعىندا وڭدەۋ يندۋسترياسى كوتەرىلەر بولسا، جۇمىس بولادى»، - دەدى ەلباسى «حابار» ارناسىنا بەرگەن سۇحباتىندا.

ۇزدىك اۋىل شارۋاشىلىعى ءونىمىن وندىرۋشىلەر رەتىندە نۇرسۇلتان نازاربايەۆ س ق و- داعى «زەنچەنكو» زاۋىتىن، اقمولا وبلىسىنداعى «رودينا» اۋىلىن ۇلگى ەتتى.

«جاستاردىڭ بارلىعى سول اۋىلداعى جۇمىس ورنىندا قالعىسى كەلەدى. وندا جاستارعا ءۇي بەرەدى، وقىتادى. ول جاقتاعى جاستاردىڭ قالادا ءۇيى نەمەسە جۇمىسى بولماسا، الىپ شاھاردا ولار نە ىستەيدى؟! سوندىقتان، اۋىل شارۋاشىلىعىندا جۇمىس ىستەپ جۇرگەن ازاماتتار جاستاردى سول جەرگە تارتۋى كەرەك. كەيبىرەۋلەر قالادا، كەيبىرى اۋىلدا تۇرعىسى كەلەدى. ءبىز اۋىلدان شىققان بالالار بولعاندىقتان، اۋىلدى اڭسايمىز عوي. بۇگىن «ەگەمەن قازاقستان» گازەتىندە جۋسان تۋرالى ۇلكەن ماقالا شىعىپتى. جۋساننىڭ ءيىسى ادامنىڭ دەنەسىن سەرگىتەدى دەپ جازىپتى. شىنىندا دا، اۋىلعا بارساڭ، ءبىر ءتۇپ جۋساندى جۇلىپ الىپ، يىسكەيسىڭ. ءيىسى اڭقىپ تۇرادى»، - دەدى ول.

نۇرسۇلتان نازاربايەۆ وسى رەتتتە سۇلتان بەيبارىس تۋرالى فيلمدى ەسكە الدى.

«اۋىل دەگەن - ءبارىمىزدىڭ بەسىگىمىز. اۋىلعا دەگەن قامقورلىقتى مەملەكەت نازاردا ۇستاۋى كەرەك. جاعداي جاساۋى كەرەك. تەحنيكانى السىن، تىڭايتقىشتاردى كوبىرەك شىعارىپ، ونىمدىلىكتى ارتتىرىپ، از اداممەن كوپ ءونىم شىعاراتىن جاعدايعا جەتۋى كەرەك. ودان قورقۋعا بولمايدى. ۋربانيزاتسيانى ەشكىم توقتاتا المايدى»، - دەدى نۇرسۇلتان نازاربايەۆ.

ەلىمىزدىڭ يگىلىگى ءۇشىن الدا اتقاراتىن ءبىراز جۇمىستار بار.

«ەگەر ءبىز تاۋەلسىزدىكتى ساقتاپ قالامىز دەسەك، ەلدىڭ بىرلىگىن ساقتاۋىمىز كەرەك. مەملەكەتتىڭ ىشىندە تىنىشتىقتى ساقتاۋ ماڭىزدى. سوندىقتان ءبىزدىڭ حالقىمىز دانا، ۇلكەندى- كىشىلى بولىپ تەنتەكتەردى جولعا سالىپ، ەلىمىزدى ارى قاراي العا جەتەلەۋىمىز كەرەك»، - دەدى ەلباسى.

وسى ورايدا نۇرسۇلتان نازاربايەۆ ەلىمىزدىڭ يگىلىگى ءۇشىن الدا اتقاراتىن ءبىراز جۇمىستار بار ەكەنىن اتاپ ءوتتى.

«الىپ مەملەكەتتەر كەلىسە الماي جاتقان ۋاقىت، ولار ساۋدا جاعىنان دا، سانكسيا جاعىنان تەكەتىرەسىپ جاتقان كەزەڭ ورىن الۋدا. قازاقستان ۇلكەن يمپەريالاردىڭ ورتاسىندا تۇرعان مەملەكەت رەتىندە ءارۋاقىتتا مۇقيات بولۋى كەرەك. بۇل تۇرعىدا ەلدىڭ تىنىشتىعى ارقىلى عانا وركەندەپ وسە الامىز. مەن ءوز باسىم ەل باسقارىپ، ءتيىستى قىزمەتىمدى ىستەدىم، مەنىڭ بۋىنىم قىزمەت ەتتى. ەندى كەلەر بۋىن مەنەن جاقسى ىستەسىن»، - دەدى ق ر تۇڭعىش پرەزيدەنتى.

اۆتور: رۋسلان عابباسوۆ


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات