+7 (701) 759 90 19
4 °С : نۇر-سۇلتان
7 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

ءجۇز جىلعا تاتيتىن شارۋا اتقاردىق - نۇرسۇلتان نازاربايەۆ

12 قازان 11:31
:ءبولىسۋ
ءجۇز جىلعا تاتيتىن شارۋا اتقاردىق - نۇرسۇلتان نازاربايەۆ

نۇر- سۇلتان. قازاقپارات - «حابار» تەلەارناسىنا بەرگەن سۇحباتىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆ 30 جىل تابىستى ەڭبەك ەتۋىنىڭ سىرىمەن ءبولىستى، دەپ حابارلايدى قازاقپارات ءتىلشىسى.

سۇحبات بارىسىندا تىلشىلەر ەلباسىدان 30 جىلدىق تابىستى ەڭبەك ەتۋىنىڭ سىرىن ايتۋىن وتىنگەن ەدى.

«ول تۋرالى كوپ جازىلدى، كوپ ايتىلدى. انەۋگۇنى، جازدا باسشىلىق قىزمەتتەگى لاۋازىمىمنىڭ 30 جىلدىعىن اتاپ وتكەن كونفەرەنسيادا ازاماتتار سويلەپ، قانداي جاعدايدا بولدىق، نە ىستەدىك دەگەن ماسەلەلەردى تالقىلادىق. شەت جاعاسىن ايتىپ كەتتىم، ەلدىڭ سەنىمىن ارقالاپ وسى جىلداردىڭ ىشىندە مەنىڭ سەرىكتەستەرىممەن، زامانداستارىممەن بىرگە 100 جىلعا تاتيتىن شارۋانى اتقاردىق. ونىڭ ءبارى ەلگە ءمالىم. ءال- اۋقات ءۇشىن ەكونوميكا كەرەك قوي. ەكونوميكا وسپەسە، ەكونوميكانىڭ ءوسىپ- وركەندەۋى بولماسا مەملەكەتتىڭ قالتاسىندا قارجى بولمايدى. ال قارجى بولماسا زەينەتاقىنى دا، جالاقىنى دا تولەي المايدى»، - دەدى ەلباسى.

ق ر تۇڭعىش پرەزيدەنتى وسى جىلداردىڭ ىشىندە ەل ەكونوميكاسى 20 ەسە وسكەنىن، 2 مىڭعا جۋىق اۋرۋحانا مەن ەمحانا، 1500 دەن استام مەكتەپ، 1 مىڭعا تارتا بالاباقشا سالىنعانىن ەسكە سالدى.

«وسىنىڭ بارلىعى حالىقتىڭ جاعدايى، ءال- اۋقاتى. وسىنداي قامقورلىقتىڭ ارقاسىندا، ەلدىڭ تابىسىنىڭ ارتۋىنىڭ ارقاسىندا ءبىز ورتاشا جاستى 67-تەن 73 جاسقا اسىردىق. بۇيىرتسا، ودان دا جوعارىلاپ، 80 جاسقا جەتەدى دەپ ويلايمىز. ول بىزدە قاشان بولىپ ەدى؟ ەشقاشان بولعان جوق. حالىقتىڭ سانى وزگەردى. مىسالى 1991 -جىلى مەن تاۋەلسىزدىكتى جاريالار كەزدە جوعارعى كەڭەستىڭ دەپۋتاتتارىنىڭ ىشىندە قازاقتىڭ سانى 44 پايىز بولاتىن، قازاقستاندا دا سولاي ەدى. قازىر قازاقستاندا قازاق سانى 70 پايىزعا جەتىپ قالدى. ول ءبىز ءۇشىن ۇلكەن تابىس. كەڭەس وداعى قۇلادى، ەل نە ىستەرىن بىلمەي قالدى. «وسى جەردە بولامىز با، بولمايمىز با»، «قازاق ءتىلىن بىلمەيتىندەردىڭ بولاشاعى جوق ەكەن» دەپ جان- جاققا كوشكەن كەزدە حالقىمىزدىڭ سانى 14 ميلليونعا تومەندەپ كەتتى. قازىر مىنە قۇدايعا شۇكىر، 18 ميلليون 200 مىڭ حالقىمىز بار. ونىڭ ىشىندە 70 پايىزى ءوزىمىزدىڭ قازاق»، - دەدى ن. نازاربايەۆ.

وسى ورايدا ن. نازاربايەۆ ءتۇرلى سالاداعى ماڭىزدى باعدارلامالارعا توقتالىپ ءوتتى. نەگىزگى ماقسات - الدىڭعى قاتارداعى 30 ەلدىڭ قاتارىنا قوسىلۋ.

«جالپى، ەلىمىزدە جانە شەتەلدىك ساراپشىلار دا قازاقستاننىڭ وسى جىلدارداعى ءوسىپ- وركەندەۋىنە وڭ باعا بەردى. بۇرىنعى كەڭەس وداعىنىڭ اۋماعىنداعى رەسپۋبليكالاردىڭ ىشىندە ءبىز ەڭ جىلدام رەفورما جاسادىق. ەكونوميكامىز قارقىندى ءوستى. بۇل ىستەگەن جۇمىستىڭ ناتيجەسى. سوندىقتان ءبىز جاي جۇرمەدىك، دۇنيەجۇزىلىك تاجىريبەنى پايدالانىپ، ستراتەگيالىق باعدارلامالار جاسادىق»، - دەدى ەلباسى.

سونىمەن قاتار ق ر تۇڭعىش پرەزيدەنتى تاۋەلسىزدىك جىلدارىندا كوپتەگەن اۋرۋحانالار مەن ەمحانالار، مەكتەپتەر، بالاباقشالار، اۆتوجولدار، تەمىرجولدار، پورتتار سالىنعانىن ەسكە سالدى. بۇدان بولەك، ن. نازاربايەۆ كورشىلەس ەلدەرمەن شەكارالىق ماسەلەلەر تولىقتاي شەشىلگەنىن اتاپ ءوتتى.

«ەندى وسىنىڭ قارقىنىن توقتاتپاي، جۇمىستى ارى قاراي جالعاستىرۋ كەرەك. ءبىز شيكىزاتتى ساتىپ، پايدا تابۋدان اجىراپ، باسقا ەكونوميكاعا كوشۋىمىز كەرەك. يندۋستريالىق باعدارلاما وسىعان نەگىزدەلگەن. سونىمەن قاتار، اۋىل شارۋاشىلىعى سالاسىنا ەكپىن قويىلۋدا. سوندىقتان كوپ شارۋا ىستەلدى دەپ سانايمىن. مەنىڭ بۋىنىم قازاققا قولىنان كەلگەنشە بارلىق جاقسىلىعىن جاسادى. قانشاما ۋنيۆەرسيتەتتەر اشىلدى، ەكسپو-2017 بولدى، ەلوردامىزدا ە ق ى ۇ سامميتى ءوتتى»، - ول.

وسى ورايدا ەلباسى تاۋەلسىزدىكتىڭ العاشقى جىلدارىنداعى قيىندىقتاردى ۇمىتپاۋىمىز كەرەكتىگىن ايتتى.

اۆتور: رۋسلان عابباسوۆ


باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات