+7 (701) 759 90 19
10 °С : نۇر-سۇلتان
15 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

نۇرسۇلتان نازاربايەۆ ءوزى سالعان سۋرەتتەر كورمەسىن وتكىزبەك

12 قازان 11:06
:ءبولىسۋ
نۇرسۇلتان نازاربايەۆ ءوزى سالعان سۋرەتتەر كورمەسىن وتكىزبەك

نۇر- سۇلتان. قازاقپارات - «حابار» تەلەارناسىنا بەرگەن سۇحباتىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆ قازىرگى ۋاقىتتا نەمەن اينالىساتىندىعىن ايتتى، دەپ حابارلايدى قازاقپارات ءتىلشىسى.

«ايتەۋىر وزىممەن اينالىسۋدى ارمانداعان ەدىم. ءبىراق، بولماي جاتىر. مەن قابىلداۋىمدى وتىنگەندەردى قابىلدايمىن. قازىر مەن ەشكىمدى شاقىرمايمىن. مەنىڭ كونستيتۋتسيالىق، زاڭدىق مىندەتىم - پارتيامەن اينالىسۋ. مەن پارتيانىڭ، قازاقستان حالقى اسسامبلەياسىنىڭ، قاۋىپسىزدىك كەڭەسىنىڭ باسشىسىمىن. ءتۇرلى حالىقارالىق فورۋمدارعا شاقىرۋلاردان دا باس تارتا المايمىن. ەۋرازيالىق ەكونوميكالىق وداقتىڭ قازىرگى ۋاقىتتا قۇرمەتتى ءتوراعاسىمىن. ەندى تۇركىتىلدەس مەملەكەتتەر باسشىلارى كەڭەسىنىڭ قۇرمەتتى ءتوراعاسى دەپ تە سايلادى. دۇيسەنبى كۇنى باكۋدە وتەتىن كەڭەسىنە بارامىن. مۇنداي فورۋمدا قازاقستانعا قاتىستى ماسەلەلەر، ونىڭ ءتۇرلى مەملەكەتتەرمەن قارىم- قاتىناسى، ساۋدا- ساتتىعى دە شەشىلەدى. كەلىسىمدەرگە قول قويىلادى. دەمەك، مەن وسى ىستەرىم ارقىلى حالقىما، ەلىمە جۇمىس ىستەيمىن»، - دەدى ق ر تۇڭعىش پرەزيدەنتى.

سونىمەن قاتار ەلباسى باياعىدان بەرگى ارمانىمەن دە ءبولىستى.

«اقىرىنداپ مايلى بويامەن سۋرەت سالامىن، پەيزاج سالامىن. مۋزەيگە اياقتالعاننان كەيىن قويامىن. 30 سۋرەت كەرەك دەپ ايتادى. مەندە قازىر 30 سۋرەت بار. تابيعاتتى سالامىن. جاۋھار تۋىندى ەمەس شىعار، ءبىراق، دوستارىم، تانىستار كورمەگە قويۋىمدى سۇراپ وتىر. «توقتاي تۇرىڭدار، الدىمەن سالىپ بىتەيىن. ودان كەيىن قويامىن»، دەيمىن. مۇنىمەن باياعىدان اينالىسقىم كەلگەن ەدى. ءبىراق وعان ۋاقىت بولمادى. دومبىرادان بولەك گيتارادا ويناعىم كەلدى. قازىر وسى ۋاقىتقا دەيىن قولىم تيمەگەن ءتۇرلى كىتاپتاردى كوپ وقيمىن. ساياسي جانە كوركەم ادەبي دە تۋىندىلار بار»، - دەدى نۇرسۇلتان نازاربايەۆ.

سونداي- اق ق ر تۇڭعىش پرەزيدەنتى بوس ۋاقىتىندا بالالارىنا، نەمەرەلەرىنە كوبىرەك كوڭىل بولۋگە تىرىساتىندىعىن دا ايتتى.

«پرەزيدەنتتىكىندەي كۇندەلىكتى قاۋىرت تىرشىلىگىم جوق. جەڭىلدەپ قالدىم. بارلىق ءىستى، جۇمىستى باقىلاپ وتىرامىن. اقىلداسسا، اقىلىمدى ايتامىن. اقىلداسپاسا، اقىلىمدى ايتپايمىن. ءبىراق، بىردەڭە دۇرىس بولماي جاتسا، ارينە بەيجاي وتىرا المايمىن»، - دەدى ق ر تۇڭعىش پرەزيدەنتى.

اۆتور: مارلان جيەمباي


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات