نۇرسۇلتان نازاربايەۆ: جاۋىزداردىڭ ءسوزىن تىڭداماۋ كەرەك
«باسقا مەملەكەتكە قاشىپ كەتكەن قىلمىسكەرلەر سول جاقتان ءارتۇرلى داقپىرت تاراتادى. ولاردى ايايمىن. ەشكىمگە دە كەرەكسىز، وتانسىز ادامدار ءوزىنىڭ ەلىندە جامانشىلىق بولسا ەكەن دەپ ويلايدى. وندا ارامزاعا قالاي ادامنىڭ بۇيرەگى بۇرۋى كەرەك. ايتىڭدارشى؟! قازاقستاندا جامان بولسىن، قازاقستان شۋىلداسىن، قازاقستان توبەلەسسىن، قىرىلىسسىن دەيدى. ونداي جاۋىزداردىڭ ءسوزىن تىڭداماۋ كەرەك»، - دەدى ەلباسى «حابار» ارناسىنا بەرگەن سۇحباتىندا.
ەلباسى ۇلتتىڭ اقساقالى، جاناشىرى رەتىندە جاستارعا ەڭ الدىمەن ءبىلىم الۋعا تىرىسۋ كەرەكتىگىن اتاپ ءوتتى.
«ءبىزدىڭ ءومىرىمىز الدا. ءوزىڭنىڭ ەڭبەگىڭمەن تاپساڭ ءبارى بولادى. «ەڭبەك ەتسەڭ ەرىنبەي، تويادى قارنىڭ تىلەنبەي» دەگەن اتا- بابامىزدىڭ ءسوزى بار عوي. بىلىمگە باۋلۋىمىز كەرەك. جاقسى ءبىلىم الساڭ، جانۇياڭدى دا اسىرايسىڭ، ەشكىمگە بارىپ تىلەنبەيسىڭ. جالپى، قازاقستاننىڭ وتباسىلارى بۇل ماسەلە بويىنشا ويلانۋى كەرەك. ارانداتۋعا كونبەۋى ءتيىس. بارلىعىمىزدىڭ ويىمىز - ەلدىڭ اماندىعى، جۇرتتىڭ تىنىشتىعى. قازاقستانىمىزدىڭ تاۋەلسىزدىگى ماڭگى بولۋى كەرەك دەپ ويلاۋعا ءتيىسپىز. سوندا عانا دۇنيە جۇزىنە سىيلى ەل بولامىز. سوعان نە جەتسىن؟!»، - دەدى نۇرسۇلتان نازاربايەۆ.
اۆتور: ايان بەكەن ۇلى