+7 (701) 759 90 19
4 °С : نۇر-سۇلتان
7 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

ەلباسى پرەزيدەنت وكىلەتتىگىن نەلىكتەن توقتاتقانىن ءتۇسىندىردى

12 قازان 09:50
:ءبولىسۋ
ەلباسى پرەزيدەنت وكىلەتتىگىن نەلىكتەن توقتاتقانىن ءتۇسىندىردى

نۇر- سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ «حابار» تەلەارناسىنا بەرگەن سۇحباتىندا ەل پرەزيدەنتى لاۋازىمىنان نەلىكتەن باس تارتقانىن ءتۇسىندىردى، دەپ حابارلايدى قازاقپارات ءتىلشىسى.

«ارينە، وكىنبەيمىن. سەبەبى بۇل بارلىق جاعىنان ويلاستىرىلعان شەشىم بولاتىن. قازاقستان باسشىلىعىندا 30 جىل وتىرعانىمدى ۇمىتپاۋ كەرەك. ورتالىق كوميتەت مۇشەسى بولعان وتكەن عاسىردىڭ 1979 -جىلىنان بەرگى ۋاقىتتى ەسكەرسەك - 40 جىل، ال قازاقستان ۇكىمەت باسشىسى بولعان كەزىمنەن بەرى ەسەپتەسەك - 35 جىل. ەڭ الدىمەن وسى جىلدار بويى مەنى مەملەكەت باسشىسى ەتىپ سايلاعان حالقىما راحمەت. قالاي دەسەك تە، حالىقتىڭ بەلگىلى ءبىر بولىگى ءبىر ادامنان شارشاعان شىعار. مۇنداي دا جايت بار. ەكىنشىدەن، وزگەرىستەر قاجەت. ەشتەڭە دە ءبىر ورىندا تۇرمايدى. وزگەرىستەر، جاڭا ادامدار، جاڭا كادرلار كەرەك. كەز كەلگەن ادامنىڭ ءوز كوزقاراسى، پايىمى بار. سوندىقتان بۇل تۇبەگەيلى ويلاستىرىلعان، دۇرىس قادام دەپ ويلايمىن. بۇلاي جاساعانىما، كىمدى مۇراگەر ەتىپ العانىما ەش وكىنبەيمىن»، - دەدى ەلباسى.

نۇرسۇلتان نازاربايەۆ پرەزيدەنتتىك لاۋازىمىن دوعارعان كەزدە الەمنىڭ كوپتەگەن ءىرى مەملەكەتتەرىنىڭ باسشىلارى حابارلاسىپ، وكىنىش بىلدىرگەنىن ەسكە الدى.

«ءبىز وسى جىلدار ىشىندە تاڭعالالارلىق ۇلى جەتىستىكتەرگە جەتتىك. قازاقتار ءوز تاريحىندا بۇلاي ءومىر ءسۇرىپ كورگەن ەمەس. بۇل - فاكتى. بىزدەن باسقا ەشكىم دە ەكى عاسىردىڭ توعىسىندا مۇنداي ەلوردا سالعان ەمەس. ميلليون تۇرعىنى بار قالاعا اينالدى. سوندىقتان ماعان كورسەتىلگەن وسىنداي سەنىمگە زور ريزاشىلىقپەن ىستەن الشاقتاۋعا شەشىم قابىلدادىم. جاسقا بايلانىستى قانداي دا ءبىر شەكتەۋ دە بار. مەملەكەتتىڭ ءبىرىنشى باسشىسى بارلىق ۋاقىتتا دا اقبوز اتتا، الدا بولۋى ءتيىس جانە ەنەرگەتيكاسى وتە مىقتى بولۋى قاجەت. ەگەر اتا- انامنان وسىنداي قۋاتتى ەنەرگەتيكا دارىماعاندا بۇعان شىداماس تا ەدىم. سەبەبى جىلدار وتە اۋىر بولدى. ياعني، وكىنبەيمىن. حالىق ءۇشىن، قازاقستان ءۇشىن دۇرىس ىستەدىم دەپ ەسەپتەيمىن»، - دەدى ن. نازاربايەۆ.

اۆتور: مارلان جيەمباي


باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات