ەلباسى پرەزيدەنت قاسىم- جومارت توقايەۆتىڭ جاقسى قاسيەتتەرىن اتادى

نۇر- سۇلتان. قازاقپارات - ەلباسى نۇرسۇلتان نازاربايەۆ «حابار» ارناسىنا بەرگەن سۇحباتىندا پرەزيدەنت قىزمەتىنە بىرنەشە ادامدى قاراستىرعانىن، سونداي- اق نەگە قاسىم- جومارت توقايەۆتى تاڭداعانىن ءتۇسىندىردى، دەپ حابارلايدى قازاقپارات ءتىلشىسى.

«ءاربىر باسشىلىقتا جۇمىس ىستەيتىن ءبىرىنشى باسشىسى زامانى كەلگەندە ويلانا باستايدى، ياعني «بيلىكتى ەندىگى بۋىنعا قالاي بەرەمىز، ونى كىم باسقارادى» دەگەندى قاراستىرادى. ارينە، مەنىڭ توڭىرەگىمدە كوپتەگەن جاقسى ازاماتتار ءوستى، ونى وزدەرىڭىز كورىپ جۇرسىزدەر. وسى ورايدا بىرنەشە ادامدى قاراستىردىم. سونىڭ ىشىنەن بۇگىنگى كۇنى ەڭ دۇرىسى ءارى ساي كەلەتىنى قاسىم- جومارت كەمەل ۇلى توقايەۆ دەپ ەسەپتەدىم. نەگە؟ بىرىنشىدەن، مەنىڭ جانىمدا شيرەك عاسىر ۋاقىتتان بەرى كەلە جاتقان ادام. مەن ونى جاقسى بىلەمىن، ول دا مەنىڭ جۇمىسىمنىڭ سىر- سيپاتىنىڭ بارلىعىن بىلەدى. ەكىنشىدەن، قازاقتىڭ بىردەن ءبىر ساۋاتتى ازاماتى. ۇشىنشىدەن، ديپلوماتيالىق ومىردە كوپ كىسىلەرمەن تانىسقان، بارلىعى ونى بىلەدى»، - دەدى ق ر تۇڭعىش پرەزيدەنتى.

بۇل تۇرعىدا ەلباسى ق ر پرەزيدەنتى قاسىم- جومارت توقايەۆ ب ۇ ۇ باس حاتشىسىنىڭ ورىنباسارى، ق ر پارلامەنتى سەناتىنىڭ ءتوراعاسى، ۇكىمەت باسشىسى سەكىلدى لاۋازىمدى قىزمەتتەردى اتقارعانىن ەسكە سالدى.

«ەل باسقارۋ وڭاي ەمەس. ءارقايسىسى ەل باسقارامىن دەپ ويلايدى. ەلدىڭ تاڭداعانى دۇرىس. «Nur Otan» پارتياسىنىڭ جانە مەنىڭ ۇسىنۋىممەن حالىق سايلادى. ەندى قازىرگى پرەزيدەنتىمىزدى بارلىعىمىز قولداۋىمىز كەرەك»، - دەدى نۇرسۇلتان نازاربايەۆ.

اۆتور: رۋسلان عابباسوۆ