+7 (701) 759 90 19
2 °С : نۇر-سۇلتان
15 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

قازاقستان- موڭعوليا بيزنەس فورۋمى ءوتتى

11 قازان 21:40
:ءبولىسۋ
قازاقستان- موڭعوليا بيزنەس فورۋمى ءوتتى

نۇر- سۇلتان. قازاقپارات – ق ر پرەمەر- ءمينيسترى اسقار مامين مەن قازاقستانعا رەسمي ساپارمەن كەلگەن موڭعوليانىڭ پرەمەر- ءمينيسترى ۋحنااگيين حۋرەلسۋح قازاقستان- موڭعول بيزنەس فورۋمىنىڭ اشىلۋىنا قاتىستى. سونداي- اق، «استانا» حالىقارالىق قارجى ورتالىعىنا (ا ح ق و) باردى.

بۇل تۋرالى primeminister.kz حابارلايدى.

« قازاقستاننىڭ تۇڭعىش پرەزيدەنتى ن. نازاربايەۆتىڭ ساياساتىنىڭ ارقاسىندا قازاقستان- موڭعول قاتىناستارىنىڭ ىلگەرىلەمەلى دامۋىنىڭ نەگىزى قالاندى. پرەزيدەنت ق. توقايەۆ سىرتقى ساياساتتاعى ساباقتاستىقتى ۇستانا وتىرىپ، موڭعوليامەن ىنتىماقتاستىقتى ءتيىمدى دامىتۋعا باسا ءمان بەرەدى»، - دەدى ا. مامين.

ۇكىمەت باسشىسى قازاقستان مەن موڭعوليانىڭ ينۆەستيتسيالىق ىنتىماقتاستىقتى، اسىرەسە، تاۋ- كەن، كولىكتىك- لوگيستيكالىق، قۇرىلىس جانە اۋىل شارۋاشىلىعى سالالارىندا كەڭەيتۋ ءۇشىن ۇلكەن الەۋەتى بار ەكەنىن اتاپ ءوتتى.

ا. مامين ەكى ەلدىڭ بيزنەسمەندەرىن ىسكەرلىك بايلانىستاردى بەلسەندى تۇردە رەتكە كەلتىرۋگە، بىرلەسكەن كاسىپورىندار قۇرۋعا جانە ءوزارا ءتيىمدى ىنتىماقتاستىق جوبالارىن ىسكە اسىرۋعا شاقىرا وتىرىپ، قازاقستاننىڭ ينۆەستيتسيالىق احۋالى تۋرالى ايتىپ بەردى.

ءوز كەزەگىندە ۋ. حۋرەلسۋح قازاقستاننىڭ تاۋەلسىزدىك جىلدارى جانە نارىقتىق ەكونوميكاعا كوشكەننەن كەيىن ەكونوميكانىڭ تۇراقتى دامۋى مەن قولايلى ينۆەستيتسيالىق احۋالدى قامتاماسىز ەتە وتىرىپ، ۇلكەن جەتىستىكتەرگە قول جەتكىزگەنىن اتاپ ءوتتى.

«بىزدە ساۋدا- ەكونوميكالىق جانە ينۆەستيتسيالىق ىنتىماقتاستىقتى كەڭەيتۋ ءۇشىن ەلەۋلى مۇمكىندىكتەر بار. وسى بيزنەس فورۋم ەكى ەل اراسىنداعى ىسكەرلىك قاتىناستار مەن ەكونوميكالاردىڭ دامۋىنا سەرپىن بەرەتىنىنە سەنىمدىمىن»، - دەدى موڭعوليانىڭ پرەمەر- ءمينيسترى.

فورۋم اياسىندا قازاقستان مەن موڭعوليانىڭ ىسكەرلىك ورتالارىنىڭ وكىلدەرى ەكى ەلدىڭ ۇكىمەتتەر باسشىلارىنىڭ قاتىسۋىمەن 8 قۇجاتقا:

«Symbat Engineering» ج ش س جانە «ەردەنەس الت رەسۋرس» اراسىنداعى قازاقستاندىق تاراپتىڭ موڭعوليادا التىن مەن كۇمىس وڭدەۋ بويىنشا اففيناج زاۋىتىن سالۋ مەن ونىڭ پايدالانۋعا بەرۋ تۋرالى كەلىسىمگە قول قويدى. بۇل جوبا قازاقستاننىڭ موڭعولياعا العاشقى ءىرى تەحنولوگيالار ينۆەستيتسياسى بولادى؛

«قازاقستان رەسپۋبليكاسىنىڭ مينەرالدى شيكىزاتتى كەشەندى وڭدەۋ بويىنشا ۇلتتىق ورتالىعى» ر م م مەن موڭعولدىق «كوەۋس كونسالتينگ» اراسىنداعى «فەرروسيليكو اليۋمينيا» يننوۆاتسيالىق قورىتپاسىن ءوندىرۋ زاۋىتىن سالۋ» بىرلەسكەن كاسىپورنىن قۇرۋ تۋرالى كەلىسىمگە؛

قازاقستاننىڭ سىرتقى ساۋدا پالاتاسى مەن موڭعوليانىڭ ۇلتتىق ساۋدا- ونەركاسىپ پالاتاسىنىڭ اراسىنداعى ىنتىماقتاستىق تۋرالى مەموراندۋمعا؛

«SCAT» اۋە كومپانياسى» جانە Mongolian Airways Cargo LLC اراسىنداعى ۇشاتىن ەكيپاجداردى، جەر بەتىندە قىزمەت كورسەتەتىن مامانداردى وقىتۋ، اۆياتسيالىق تەحنيكالىق قىزمەت كورسەتۋ تۋرالى مەموراندۋمعا؛

«انتيگەن» عىلىمي- وندىرىستىك كاسىپورنى» قازاقستاندىق ج ش س مەن «گلوبال بيزنەس لينك» موڭعول كومپانياسى اراسىنداعى ۆەتەرينارلىق يممۋنوبيولوگيالىق پرەپاراتتار مەن دياگنوستيكالىق تەستىلەردىڭ ەكىجاقتى ەكسپورتتىق وپەراتسيالارىن دامىتۋ، سونداي- اق، ۆەتەرينارلىق پرەپاراتتار ءوندىرىسى مەن ۆەتەرينارلاردى وقىتۋ ورتالىقتارىنا بىرلەسكەن ينۆەستيتسيالار تۋرالى مەموراندۋمدارعا؛

«رەسپۋبليكالىق مەنەدجمەنت جۇيەسىن سەرتيفيكاتتاۋ ورتالىعى» ج ش س جانە «اي ەم ەس مون سەرتف» ج ش ب اراسىنداعى حالىقارالىق ستاندارتتار نەگىزىندە مەنەدجەنت جۇيەسىن سەرتيفيكاتتاۋدا ىنتىماقتاستىق تۋرالى كەلىسىمگە؛

«DOSFARM» ج ش س جانە «مونگول ەم يمپەكس» ج ش ب اراسىنداعى موڭعوليا اۋماعىندا ءدارى- دارمەكتەردى تىركەۋ، وتكىزۋ جانە ىلگەرىلەتۋ سالاسىنداعى ىنتىماقتاستىق تۋرالى كەلىسىمگە قول قويدى.

فورۋمعا 200-دەن اسا ادام - ەكى ەلدىڭ ىسكەرلىك ورتاسىنىڭ، ۇلتتىق كومپانيالارىنىڭ، ەكونوميكا سالاسىنداعى مينيسترلىكتەر مەن ۆەدومستۆولاردىڭ وكىلەتتى وكىلدەرى قاتىستى. ەكى ەلدىڭ ساۋدا- ەكونوميكالىق جانە ينۆەستيتسيالىق ءوزارا ءىس- قيمىلىن دامىتۋ پەرسپەكتيۆالارى تۋرالى ق ر ۇلتتىق ەكونوميكا ءمينيسترى ر. دالەنوۆ، قازاقستاننىڭ سىرتقى ساۋدا پالاتاسىنىڭ باسقارما ءتوراعاسىنىڭ ورىنباسارى ن. بوكەيحانوۆ، «قازاگرو» حولدينگى» ا و ك ا ق، «KazakhExport» ەكسپورتتىق ساقتاندىرۋ كومپانياسى» ا ق، «Kazakh Invest» ۇ ك» ا ق وكىلدەرى، موڭعوليانىڭ ۇلتتىق ساۋدا- ونەركاسىپ پالاتاسىنىڭ پرەزيدەنتى و. امارتۋۆشين، موڭعوليانىڭ ازىق- تۇلىك، اۋىل شارۋاشىلىعى جانە جەڭىل ونەركاسىپ ءمينيسترى چ. ۋلاان، موڭعوليانىڭ تاۋ- كەن جانە اۋىر ونەركاسىپ ءمينيسترى د. سۋمياابازار بايانداما جاسادى.

فورۋم قاتىسۋشىلارى وزدەرىنىڭ مۇمكىندىكتەرىن پاش ەتىپ قانا قويماي، business-to-business فورماتىندا الەۋەتتى سەرىكتەستەرمەن جۇمىس كەزدەسۋلەرى مەن كەلىسسوزدەر جۇرگىزدى.


فورۋم اشىلعان سوڭ ا. مامين مەن ۋ. حۋرەلسۋح ا ح ق و- عا بارىپ، وندا بيرجانى، سوت پەن حالىقارالىق اربيتراج ورتالىعىن دامىتۋ جۇمىستارىمەن تانىستى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات