ارىس ماڭىندا جارىلىس بولىپ، اسكەري قىزمەتشى قازا تاپتى

None
None
ارىس. قازاقپارات - بۇگىن ارىس قالاسى ماڭىندا وق- ءدارى جارىلىپ، ءبىر ادام قازا تاپتى، دەپ حابارلايدى قازاقپارات قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.

11 - قازاندا ارنايى جابدىقتالعان پوليگون اۋماعىندا (ارىس قالاسىنان 60 شاقىرىم جەردە) جينالعان وق- ءدارى فراگمەنتتەرىن جويۋ كەزىندە وق- دارىگە ۋاقىتىنان بۇرىن دەتوناتسيا جاسالعان. سالدارىنان توپ جەتەكشىسى، اسكەري ءبولىمنىڭ ينجەنەرلىك قىزمەتىنىڭ باستىعى، مايور ا. س. اقىشيەۆ قازا تاپتى.

«وقيعا ورنىنان جەتكەن اقپاراتقا سايكەس، جۇمىس قاجەتتى قاۋىپسىزدىك شارالارىن ساقتاي وتىرىپ جۇرگىزىلدى. ورىن العان وقيعانىڭ ناقتى سەبەبى مەن سالدارى انىقتالۋدا. ارنايى تەرگەۋ توبى جۇمىس جاساپ جاتىر. بۇل جاعداي پوليگونعا جاقىن ورنالاسقان قالا تۇرعىندارىنا قاۋىپ توندىرمەيدى، وڭىردە ۇزدىكسىز باقىلاۋ جۇرگىزىلۋدە» دەلىنگەن حابارلامادا.

قورعانىس مينيسترلىگى قازا بولعان اسكەري قىزمەتشىنىڭ تۋىستارى مەن دوستارىنا كوڭىل ايتادى جانە ولارعا بارلىق قاجەتتى كومەكتى كورسەتەدى.

سوڭعى جاڭالىقتار