الەمدەگى ەڭ كونە روماننىڭ جالعاسى تابىلدى

نۇر-سۇلتان. قازاقپارات - جاپونياداعى فەودال وتباسىداعى ەسكى ساندىقتان قۇندى جادىگەر تابىلدى.

 ونداعى قولجازبا الەمدەگى ەڭ كونە رومان سانالاتىن «گەندزي جايلى ەرتەگىنىڭ» بەسىنشى ءبولىمى بولىپ شىقتى، - دەپ جازادى The Guardian. «گەندزي جايلى ەرتەگى» Ⅺ عاسىر باسىنداعى حەيان داۋىرىندە جازىلعان. وندا يمپەراتور بالاسىنىڭ تاعدىرى باياندالادى. كىتاپتى جازعان مۋراساكي سيكيبۋ ەسىمدى حانىم بولۋى مۇمكىن. ءتۇپنۇسقاسى ساقتالماعان. ەڭ تانىمال نۇسقاسىن تەيك ەسىمدى اقىن جازىپ قالدىرعان. دەرەكتەر بويىنشا ول 1241 -جىلى كوز جۇمعان. وسىعان دەيىن ءتورت ءبولىمى (بارلىعى 54 ءبولىم) بار بولاتىن. جاڭا تابىلعانى بەسىنشى ءبولىمى ەكەنى دالەلدەنىپ وتىر. مۇندا گەندزي مەن مۋراساكي ەسىمدى قىز كەزدەسىپ، وتباسىن قۇرۋى ايتىلادى.

- زەرتتەۋشىلەر ءۇشىن تەيكيدىڭ ءوزى جازعان قولجازبا تابىلىپ وتىر. ناعىز قۇندى دۇنيە. ءماتىندى ارى قاراي تەرەڭ زەرتتەۋگە تاعى ءبىر جول اشىلدى، - دەيدى كيوتو ۋنيۆەرسيتەتىنىڭ پروفەسسورى دجانكو ياماموتو.

ونىڭ ايتۋى بويىنشا، روماننىڭ جاڭادان تابىلعان ءبولىمى وسىعان دەيىنگى بولىمدەرىنەن ەرتەرەك جازىلعان.

Massaget.kz