قازاقستان مەن قىتاي سىبايلاس جەمقورلىقپەن بىرگە كۇرەسەتىن بولدى

None
None
 نۇر- سۇلتان. قازاقپارات - ق ر سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ ق ح ر ق ك پ و ك ساياسي بيۋروسىنىڭ مۇشەسى، ق ح ر مەملەكەتتىك قاداعالاۋ كوميسسياسىنىڭ ءتوراعاسى ياڭ چياۋدۋمەن كەزدەستى، دەپ حابارلايدى قازاقپارات ءتىلشىسى.

كەزدەسۋ بارىسىندا اگەنتتىك ءتوراعاسى قىتايلىق ارىپتەسىن قازاقستاننىڭ سىبايلاس جەمقورلىققا قارسى ساياساتىنىڭ نەگىزگى ەرەجەلەرى، اگەنتتىك قىزمەتى تۋرالى حاباردار ەتتى.

«بيىل ساۋىردە بەيجىڭدە ءبىزدىڭ تۇڭعىش پرەزيدەنت - ەلباسى نۇرسۇلتان نازاربايەۆ باستاعان قازاقستاندىق دەلەگاتسيا قاتىسقان «ءبىر بەلدەۋ - ءبىر جول» ەكىنشى حالىقارالىق ىنتىماقتاستىق فورۋمى كوشباسشىلارىنىڭ دوڭگەلەك ۇستەلى وتكەنى بەلگىلى. وتكەن اپتادا حالىقارالىق سىبايلاس جەمقورلىققا قارسى اكادەميا اسسامبلەياسىنىڭ 8- وتىرىسىنا قىتاي دەلەگاتسياسى دا قاتىستى. مەن قىتاي تارتىپتىك باقىلاۋ جانە قاداعالاۋ اكادەمياسىنىڭ ۆيتسە- پرەزيدەنتى حۋ جينيان مىرزامەن جەكە كەزدەستىم. ءبىزدىڭ بۇگىنگى كەزدەسۋىمىز ءبىزدىڭ مەكەمەلەر اراسىنداعى ىنتىماقتاستىقتى تابىستى دامىتۋعا سەرپىن بەرەدى دەپ سەنەمىن» ، - دەدى اليك شپەكبايەۆ كەزدەسۋ بارىسىندا.

اگەنتتىك باسشىسىنىڭ ايتۋىنشا، تاۋەلسىزدىك جىلدارىندا قازاقستاندا ۇزدىك حالىقارالىق جانە وتاندىق تاجىريبەنى قولدانۋعا نەگىزدەلگەن ءتيىمدى زاڭناما قالىپتاسقان.

«ءبىز مەملەكەت باسشىسىنا تىكەلەي باعىناتىن تاۋەلسىز قۇقىق قورعاۋ ورگانىمىز. ءبىزدىڭ ميسسيامىز: «قازاقستان حالقىنىڭ ءال- اۋقاتى ءۇشىن جەمقورلىقتى جويۋ». اگەنتتىكتىڭ بارلىق باستامالارى ناقتىلانعان، ايقىن قۇندىلىقتار پريزماسى ارقىلى جۇزەگە اسىرىلادى. بۇل - ادىلدىك، پاراساتتىلىق جانە سەنىم. پاراساتتىلىق يدەولوگياسى ءبىزدىڭ قىزمەتتىڭ تۇجىرىمدامالىق نەگىزى بولىپ ايقىندالعان. اگەنتتىكتىڭ نەگىزگى مىندەتتەرى - سىبايلاس جەمقورلىققا قارسى ءىس- قيمىل بويىنشا مەملەكەتتىك ساياساتتى قالىپتاستىرۋ جانە ىسكە اسىرۋ، قوعامدا جەمقورلىققا قارسى مادەنيەتتى ناسيحاتتاۋ، جەمقورلىق قىلمىستارىنىڭ الدىن- الۋ، انىقتاۋ، اشكەرەلەۋ جانە تەرگەۋ»، - دەدى ول.

ايتا كەتەرلىگى، قىتايدىڭ مەملەكەتتىك قاداعالاۋ كوميسسياسى تەرگەۋ ارەكەتتەرىن جۇرگىزۋ وكىلەتتىگىنە يە. م ق ك- عا ق ح ر سىبايلاس جەمقورلىققا قارسى كۇرەس جونىندەگى باقىلاۋ مينيسترلىگى مەن مەملەكەتتىك باسقارما كىرەدى. ق ح ر كونستيتۋتسياسىنا ەنگىزىلگەن جاڭا وزگەرىستەرگە سايكەس، م ق ك ورگاندارى مەملەكەتتىك بيلىكتى بىلدىرەتىن بارلىق قىزمەتكەرلەردى قاداعالاۋدى جۇزەگە اسىرۋعا ۋاكىلەتتى.

ءتيىمدى ارىپتەستىكتى ورناتۋ ماقساتىندا قازاقستان مەن قىتاي وكىلدەرى سىبايلاس جەمقورلىققا قارسى قىزمەتى ىنتىماقتاستىق تۋرالى مەموراندۋمعا قول قويدى. ول بىرلەسكەن جوبالاردى ىسكە اسىرۋدى جانداندىرۋعا، اقپارات الماسۋدى جۇزەگە اسىرۋعا مۇمكىندىك بەرەدى.

سونىمەن قاتار، كەزدەسۋ اياسىندا اگەنتتىك قىزمەتكەرلەرىن ق ح ر تارتىپتىك باقىلاۋ جانە قاداعالاۋ اكادەمياسىندا وقىتۋ، سونداي- اق، اتالعان اكادەميانىڭ ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ ىنتىماقتاستىعى ماسەلەلەرى تالقىلاندى.

سوڭعى جاڭالىقتار