ءداستۇر اسىلحان ۇلى ەلوردا كەشىن انگە بولەدى

None
None
نۇر- سۇلتان. قازاقپارات - 10 - قازان كۇنى«استانا» كونسەرت زالىندا  جاس ءانشى،  حالىقارالىق جانە رەسپۋبليكالىق بايقاۋلاردىڭ لاۋرەاتى، ءداستۇراسىلحان ۇلىنىڭ  «ارمانىما حات» اتتى جەكە ءان كەشى ءوتتى.  

ءانشىنىڭ العاشقى كەشىن كورۋگە كەلگەن تىڭدارمانداردىڭ قاراسى مول بولدى. ەكى   ساعات بويى جاندى داۋىستا ەلوردا ءتورىن انگە بولەگەن ادەمى داۋىس يەسى، ءار- ءتۇرلى جانىرلاردا ءان شىرقاپ، كورەرمەندەردى وزىنە ءتانتى ەتتى.

ءداستۇردى قۇتتىقتاي كەلگەن ونەردەگى اعا- اپكەلەرى، التىناي جورابايەۆا،  يبراگيم   ەسكەندىر، قاجىمۇرات شەشەنقۇل سەكىلدى  ەسترادا جۇلدىزدارى اننەن شاشۋ شاشىپ، جاس انشىنىڭ الداعى جولىنا ساتتىلىك تىلەدى.

«مەن ءداستۇردى بۇگىنگى جەتىستىگىمەن شىن جۇرەكتەن قۇتتىقتايمىن. ەرەكشە   جاقسى دايىندالعان كەش وتە جوعارى دەڭگەيدە ءوتتى ءداستۇردىڭ وزىنە ءتان ادەمى داۋىسى، قوڭىر ءۇنى بار.  كونسەرتتىڭ   باسىنان- اياعىنا دەيىن جاندى داۋىستا ءان شىرقاۋ بۇگىنگى انشىلەردە ەكىنىڭ- ءبىرىنىڭ قولىنان كەلمەيدى. ونىڭ الدا الار اسۋى كوپ دەپ بىلەمىن.  وسىمەن توقتاماي كوپ ەڭبەكتەنۋ كەرەك. جاقسى اندەرىمەن ەل جۇرەگىنەن ورىن الا بەرۋىنە تىلەكتەسپىن!»، دەيدى بەلگىلى ءانشى قاجىمۇرات شەشەنقۇل.

 بۇعان دەيىن ءانشى  بۇل كونسەرتىنىڭ قول سوزعان ۇلكەن ارماندارىنىڭ العاشقى باسپالداعى ەكەنىن ايتقان بولاتىن. كەشتى نۇر- سۇلتان قالاسى اكىمدىگىنىڭ مەملەكەتتىك اكادەميالىق فيلارمونياسىنى ۇيىمداستىردى. كونسەرتتىڭ وتۋىنە «باقكەلدى» ج ش س- ءنىڭ ديرەكتورى تولقىن اقان ۇلى، «جىبەك جولى -  شوۋ تەحنيكا» كومپانياسىنىڭ ديرەكتورى ەربوسىن نۇرمۇحان ۇلى، « LED  وردا» كومپانياسىنڭ ديرەكتورى تىناي ءابۋ ۇلى جانە «استانا ارلاندارى» ەرىكتىلەر توبى قولداۋ ءبىلدىردى. 

 دۇنيەجۇزى قازاقتار قاۋىمداستىعى وتانداستار قورىنىڭ ۆيتسە پرەزيدەنتى ماعاۋيا سارباسوپ داستۇرگە قاۋىمداستىقتىڭ ارنايى العىس حاتىن تاپسىردى.  

ايتا كەتەيىك،ءداستۇر اسىلحان ۇلى 1989 - جىلى قىتاي حالىق رەسپۋليكاسى تارباعاتاي ايماعى شاۋشەك قالاسىندا ونەرلى وتباسىندا دۇنيەگە كەلگەن. اكەسى تەرمەشى ءبىر ءومىرىن مادەنيەت سالاسىنا ارناعان. ال اناسى بولسا مەديتسينا سالاسىنىڭ قىزىمەتكەرى.  ءداستۇر - 2008 استانا قالاسى ساكەن سەيفۋلين اتىنداعى قازاگرو تەحنيكالىق ۋنيۆەرسيتەتىنە وقۋعا تۇسەدى. قازىر استانا قالاسى اكىمدىگىنىڭ مەملەكەتتىك اكادەميالىق فيلارمونياسىندا كلاسسيكالىق جانە ەسترادالىق ءان ءبولىمىنىڭ ءانشىسى !

2009 -جىلى استانا قالالىق «جىگىت سۇلتانى» بايقاۋىنىڭ باس جۇلدەسىن جەڭىپ العان.

2010 جىلى رەسپۋبليكالىق «جاسقانات» بايقاۋىنىڭ فيناليستى. 2012 - جىلعى «اقمولا جۇلدىزارى» بايقاۋىنىڭ لاۋرەاتى.

   2016 -جىلى شىمكەنتتە وتكەن «ءشامشى قالدياقوۆ اتىنداعى مەنىڭ قازاقستانىم حالىقارالىق ءان فەستيۆالى» ارنايى اكىم جۇلدەسىن العان . حالىقارالىق «شابىت» فەستيۆالىنىڭ فيناليستى.

ۇلتتىق ارنامىز قازاقستان تەلەارناسىنىڭ ارنايى جوباسى «قازاقستان داۋىسى» بايقاۋىنىڭ فيناليستى.

اۆتور: ريزابەك نۇسىپبەك ۇلى

سوڭعى جاڭالىقتار