+7 (701) 759 90 19
4 °С : نۇر-سۇلتان
7 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

اشىق عارىشقا شىققان الەمدەگى تۇڭعىش عارىشكەر قايتىس بولدى

11 قازان 19:06
:ءبولىسۋ
اشىق عارىشقا شىققان الەمدەگى تۇڭعىش عارىشكەر قايتىس بولدى

ماسكەۋ. قازاقپارات - تاريحتا ءبىرىنشى بولىپ اشىق عارىشقا شىققان ادام، ەكى مارتە كەڭەس وداعىنىڭ باتىرى الەكسەي لەونوۆ 86 جاسىندا ماسكەۋدە كوز جۇمدى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

بۇل جونىندە جۇما كۇنى ونىڭ كومەكشىسى ناتاليا فيليمونوۆا ءمالىم ەتتى.

«الەكسەي ارحيپوۆيچ ۇزاق ۋاقىت سىرقاتتانىپ، بۋردەنكو اتىنداعى گوسپيتالدە كوز جۇمدى»، - دەدى فيليمونوۆا.

ونىڭ ايتۋىنشا، عارىشكەرمەن قوشتاسۋ 15 - قازان كۇنى فەدەرالدىق اسكەري مەموريالدىق زيراتىندا وتەدى.

الەكسەي لەونوۆ ەكى مارتە عارىشقا ۇشقان. جالپى ۇشۋ ۋاقىتى - 7 تاۋلىك 33 مينۋت. سونداي- اق، ول - اشىق عارىشقا شىققان الەمدەگى تۇڭعىش عارىشكەر (جالپى ۋاقىتى - 23 مينۋت 41 سەكۋند، 12 مينۋت 9 سەكۋند - كەمەدەن تىس).

ول العاش رەت عارىشقا 1965 -جىلى 18-19 - ناۋرىزدا ۇشىپ، «ۆوسحود-2» كەمەسىنىڭ ەكىنشى ۇشقىشى بولعان. 18 - ناۋرىز كۇنى اشىق عارىشقا شىقتى. ۇشۋ بارىسىندا شتاتتان تىس جاعدايلار ورىن العان. قىسىمداعى ايىرماشىلىققا بايلانىستى سكافاندر ءىسىپ كەتكەن. بۇل عارىشكەردىڭ شليۋز كامەراسىنا قايتۋىنا كەدەرگى كەلتىردى (ەسىكتىڭ ديامەترى وتە كىشكەنتاي بولعان).

1967-1970 -جىلدارى لەونوۆ ايعا ۇشۋعا دايىندالعان عارىشكەرلەر توبىن باسقاردى. اي باعدارلاماسى جابىلعان سوڭ «ۇزاق مەرزىمدى وربيتالىق ستانسا» باعدارلاماسى بويىنشا دايىندىقتان وتكەنمەن، العاشقى «ساليۋت» ستانساسىنا ۇشقان جوق.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات