قازاقستاندا «قوس بيلىك» تۋرالى قاۋەسەتكە نەگىز جوق - نۇرسۇلتان نازاربايەۆ

نۇر- سۇلتان. قازاقپارات - ەلباسى نۇرسۇلتان نازاربايەۆتىڭ «حابار» ارناسىنا بەرگەن سۇحباتىندا ەلدەگى «قوس بيلىك» تۋرالى قاۋەسەتكە پىكىر ءبىلدىردى، دەپ حابارلايدى قازاقپارات ءتىلشىسى «حابار» ارناسىنا سىلتەمە جاساپ.

سۇحبات بارىسىندا نۇرسۇلتان نازاربايەۆقا ەلدەگى «قوس بيلىك» تۋرالى سۇراق قويىلدى.

«مۇنداي تۇجىرىمعا ەش نەگىز جوق، سەبەبى قازاقستان پرەزيدەنتتىك باسقارۋ فورماسى بار ۋنيتارلى مەملەكەت. مەن جول كورسەتەمىن، وزدەرى كەڭەسەدى، كەڭەس بەرەمىن، سۇراماسا - كەڭەس بەرمەيمىن (كۇلدى). ءوز وتانىما، ءوز ەلىمە قىزمەت ەتۋدى جالعاستىرىپ كەلەمىن»، - دەپ جاۋاپ بەردى نۇرسۇلتان نازاربايەۆ.

ايتا كەتەيىك، سۇحباتتىڭ تولىق نۇسقاسى بۇگىن «حابار» ارناسىندا ساعات 21.30-دا كورسەتىلەدى.

وسى سۇحبات بارىسىندا ەلباسى پرەزيدەنتتىكتەن كەتكەنىنە وكىنبەيتىنىن ايتقان بولاتىن.

اۆتور ايجان سەرىكجان قىزى