14:43, 11 - قازان 2019 | GMT +6
قارجى مينيسترلىگى استانا مەتىروسىنىڭ قارجىلىق ەسەپتەرىنە قاتىسپاعان
نۇر-سۇلتان. قازاقپارات – ق ر قارجى مينيسترلىگى LRT جوباسى بويىنشا ەكونوميكالىق نەگىزدەمەنى بەكىتكەن جوق. بۇل تۋرالى ءبىرىنشى قارجى ۆيتسە- ءمينيسترى بەرىك شولپانقۇلوۆ ءمالىم ەتتى، دەپ حابارلايدى قازاقپارات ءتىلشىسى.
«LRT بويىنشا قارجى مينيسترلىگى ەكونوميكالىق نەگىزدەمەنى بەكىتكەن جوق. زاڭناما تالاپتارىنا سايكەس، LRT- نى اكىمشىنىڭ ءوزى بەكىتەدى»، - دەدى ب. شولپانقۇلوۆ پارلامەنت سەناتىندا تىلشىلەر ساۋالىنا جاۋاپ بەرە وتىرىپ.
ونىڭ اتاپ وتۋىنشە، قارجى مينيسترلىگى جوبانىڭ قارجىلىق ەسەپ-قيساپتارىنا قاتىسپاعان.
ەسكە سالساق، پرەزيدەنت LRT قۇرىلىسىن جەدەلدەتۋدى جانە وعان قاتىستى ءىستى تەرگەۋدى تاپسىردى.
بۇعان دەيىن LRT-نىڭ قۇرىلىسى ۋاقىتشا توقتاتىلعانى تۋرالى حابارلاعان بولاتىنبىز.
وعان قاتىستى ۇكىمەت باسشىسى اسقار مامين پىكىر ءبىلدىردى.
سونىمەن قاتار جاقىندا ق ر سىبايلاس جەمقورلىققا قارسى ءىس-قيمىل اگەنتتىگى «استانا LRT» ءىسى بويىنشا ءبىرقاتار جالعان كاسىپورىن تەرگەلىپ جاتقانىن ءمالىم ەتتى.
اۆتور: رۋسلان عابباسوۆ