+7 (701) 759 90 19
-4 °С : نۇر-سۇلتان
-3 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

الماتىدا تەراكت جاساماق بولعان ازاماتتىڭ جولى كەسىلدى

11 قازان 14:00
:ءبولىسۋ
الماتىدا تەراكت جاساماق بولعان ازاماتتىڭ جولى كەسىلدى

الماتى. قازاقپارات - ۇلتتىق قاۋىپسىزدىك قىزمەتى تەرروريزم اكتىسىن دايىنداۋ جولىن كەستى، دەپ حابارلايدى قازاقپارات ۇقك سىلتەمە جاساپ.

«الماتى قالاسىنىڭ المالى اۋداندىق قىلمىستىق سوتىنىڭ ا. ج. بيتيمبايەۆتى تەرروريزم اكتىسىنە دايىندالۋ، تەرروريزمدى ناسيحاتتاۋ، ءدىني الاۋىزدىقتى قوزدىرۋ جانە اتىس قارۋىن زاڭسىز ساقتاۋ فاكتىلەرى بويىنشا 10 جىلعا سوتتاۋ تۋرالى ۇكىمى زاڭدى كۇشىنە ەندى. ول ۇ ق ك نازارىنا دەسترۋكتيۆتى ءدىني يدەولوگيانى ۇستانۋشى جانە قازاقستان رەسپۋبليكاسىندا تىيىم سالىنعان «د ا ي ش» حالىقارالىق تەرروريستىك ۇيىمىنىڭ جاقتاسى رەتىندە ىلىكتى»، - دەلىنگەن حابارلامادا.

تەكسەرۋ بارىسىندا ونىڭ ينتەرنەتتە «د ا ي ش» ۇگىت-ناسيحاتىنىڭ ىقپالىمەن حالىق كوپ شوعىرلانعان ورىنداردا جارىلعىشتى پايدالانۋمەن تەراكتىلەر دايىنداۋى تۋرالى اقپارات الىندى.

قارۋلى شابۋىل جاساعاننان كەيىن ول شەتەل سودىرلارىنىڭ قاتارىنا ءوتۋ جانە تەرروريستىك ارەكەتىن جالعاستىرۋ ءۇشىن سيرياعا جەتۋدى جوسپارلاعان.

بيتيمبايەۆتىڭ كورسەتىلگەن ويلارىن بولدىرماۋ ءۇشىن ونى اعىمداعى جىلدىڭ ساۋىرىندە الماتىدا ىشكى ىستەر ورگاندارىن تارتا وتىرىپ، ۇقك كۇشىمەن ۇستاۋ جۇرگىزىلدى.

ءتىنتۋ كەزىندە ودان اتىس قارۋى مەن تراۆماتيكالىق قارۋ، قولدان جاسالاتىن جارىلعىش قۇرالدار جاساۋعا ارنالعان قۇرامداس بولشەكتەر، ءۇش ساۋدا- ويىن- ساۋىق ورتالىعىنىڭ سىزبالارى، بەتپەردە مەن قولعاپ الىندى.

بيتيمبايەۆتىڭ كىناسى كۋاگەرلىك تۇسىنىكتەرمەن، زاتتاي جانە وزگە دە دالەلدەرمەن تولىقتاي دالەلدەندى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات