+7 (701) 759 90 19
4 °С : نۇر-سۇلتان
7 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

ستۋدەنتتەرگە ەكسترەميزم مەن تەرروريزمنىڭ قاۋپى ءتۇسىندىرىلدى

11 قازان 13:35
:ءبولىسۋ
ستۋدەنتتەرگە ەكسترەميزم مەن تەرروريزمنىڭ قاۋپى ءتۇسىندىرىلدى

الماتى. قازاقپارات - الماتىدا رۋزۋددينوۆ اتىنداعى مەديتسينالىق ستوماتولوگيالىق كوللەدجى ستۋدەنتتەرىنە ءدىني ەكسترەميزمدى الدىن الۋ شارالارى تۋرالى ايتىلدى، دەپ حابارلايدى قازاقپارات ءتىلشىسى.

اقپاراتتىق توپتىڭ ءتۇسىندىرۋ مۇشەسى، ءدىنتانۋشى مەيمانقوجا نۇرمۇحاممەد ستۋدەنتتەرگە جات اعىمداردان كەلەتىن قاۋىپ تۋرالى تۇسىندىرە وتىرىپ، ءدىني ەكسترەميزم مەن تەرروريزمگە قارسى جۇرگىزىلىپ جاتقان مەملەكەتتىك ساياسات تۋرالى ايتتى.

ونىڭ ايتۋىنشا، 2011-2019 -جىلدار ارالىعىندا ءدىني ەكسترەميزمگە بايلانىستى 1000 عا جۋىق ادام قىلمىس جاساعان. ونىڭ ىشىندە 32 ادام قازىر تەمىر توردىڭ ار جاعىندا جازاسىن وتەپ جاتىر.

سونىمەن قاتار، لەكتور ادامداردىڭ ءداستۇرلى كوزقاراستان قالايشا دەسترۋكتيۆتى اعىمعا اۋىپ كەتەتىنىن ءتۇسىندىردى.

«ادامدار قازىر ءدىندى سىرتقى فورماسىندا قابىلداي باستاعان. ال ءبىزدىڭ اتا-بابامىز ءدىندى جۇرەكپەن قابىلداعان. ونىڭ ءبارى ءبىزدىڭ ادەبيەتىمىزدەن، سالت داستۇرىمىزدەن كورىنىس تابادى. سالت داستۇرىمىزدە ىزگى يدەيالار، رۋحاني قۇندىلىقتار ساقتالعان. قىزداردىڭ سالەم سالعانى، بەتاشارى، ۇلكەنگە - قۇرمەت، كىشىگە - ىزەت دەگەن دەگەن باۋىرماشىلدىقتىڭ بولۋى، تۋعان- تۋىس اراسىنداعى قاتىناس. مۇنىڭ بارلىعى دىنمەن بىتە قايناسقان قۇندىلىقتارىمىز. تۋعان جەرىمىزدى، ءتىلىمىزدى، تاريحىمىزدى سىيلاۋدى دىنگە قاراما- قايشى كەلتىرۋگە بولمايدى. سەبەبى ءبىزدىڭ داستۇرلەرىمىزدىڭ ىشىندە ءدىني قۇندىلىقتار بار. ونى بولەك شىعارۋعا قاراۋعا بولمايدى. رۋحاني قۇندىلىقتارىمىز ۇندەس. ال دەسترۋكتيۆتى دىندەگىلەر بۇل ۇلتتىق قۇندىلىقتارىمىزدى مويىندامايدى. سودان بارىپ اداسقانىن بىلمەي قالادى»، - دەدى نۇرمۇحاممەد مەيمانقوجا.

ايتا كەتۋ كەرەك، مۇنداي ءتۇسىندىرۋ جۇمىستارى قازىر الماتى قالاسىنىڭ كوپ ورىندارىندا ءوتىپ جاتىر. لەكتور قازاقستان رەسپۋبليكاسىنىڭ 2017-2020 -جىلدارعا ارنالعان ءدىن سالاسىنداعى مەملەكەتتىك ساياساتى تۋرالى ايتىپ بەردى.

كەزدەسۋ بارىسىندا ستۋدەنتتەر وزدەرىن قىزىقتىرعان ساۋالدارعا ناقتى جاۋاپ الدى.

اۆتور: گۇلميرا عوسمانالي


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات