ەلباسى ءوزىنىڭ سۇحباتىندا نەگە قاسىم- جومارت توقايەۆتى تاڭداعانىن تۇسىندىرەدى

نۇر-سۇلتان. قازاقپارات - ەلباسى نۇرسۇلتان نازاربايەۆتىڭ «حابار» ارناسىنا بەرگەن سۇحباتىنىڭ تاعى ءبىر ءۇزىندىسى جاريالاندى، دەپ حابارلايدى قازاقپارات.

سۇحبات بارىسىندا نۇرسۇلتان نازاربايەۆقا «پرەزيدەنتتىك قىزمەتىڭىزدى قالاي قورىتىندىلار ەدىڭىز؟» دەگەن سۇراق قويىلدى.

سونىمەن بىرگە، ەلباسى پرەزيدەنت قىزمەتىنە بىرنەشە ادامدى قاراستىرعانىن، نەگە قاسىم- جومارت توقايەۆتى تاڭداعانىن تۇسىندىرەدى.

ودان بولەك، ن. نازاربايەۆ تۇركىستان وبلىسىنىڭ قۇرىلۋى، تابىستى قىزمەت سىرى جونىندە سۇراقتارعا جاۋاپ بەرەدى.

ايتا كەتەيىك، ەلباسى نۇرسۇلتان نازاربايەۆ «حابار» تەلەارناسىنا سۇحبات بەردى. سۇحباتتىڭ تولىق نۇسقاسى بۇگىن «حابار» ارناسىندا ساعات 21.30-دا كورسەتىلەدى.

وسى سۇحباتتا تۇڭعىش پرەزيدەنت ەلدەگى «قوس بيلىك» تۋرالى قاۋەسەتكە جاۋاپ بەرىپ، پرەزيدەنتتىكتەن كەتكەنىنە وكىنبەيتىنىن ايتقان بولاتىن.

اۆتور: ايجان سەرىكجان قىزى