قازاقستان پرەزيدەنتى اشحابادقا كەلدى

اشحاباد. قازاقپارات - قازاقستان پرەزيدەنتى قاسىم- جومارت توقايەۆ تمد مەملەكەتتەرى باسشىلارى كەڭەسىنىڭ وتىرىسىنا قاتىسۋ ءۇشىن اشحابادقا كەلدى، دەپ حابارلايدى قازاقپارات.

«قازاقستان پرەزيدەنتى تۇرىكمەنستان باسشىسى گۋربانگۋلى بەردىمۇحامەدوۆپەن كەزدەسەدى دەپ جوسپارلانعان. ت م د ەلدەرى باسشىلارىنىڭ سامميتىندە مەملەكەت باسشىسى ۇيىمدى ودان ءارى دامىتۋ بويىنشا ءوزىنىڭ كوزقاراسىن ءبىلدىرىپ، دوستاستىق ەلدەرىنىڭ ءوزارا ەكونوميكالىق بايلانىستارىن ارتتىرۋ شارالارى بويىنشا ناقتى ۇسىنىستارىن ايتپاق»، - دەپ جازدى Facebook-تە پرەزيدەنتتىڭ باسپا ءسوز حاتشىسى بەرىك ءۋالي.

كەڭەس وتىرىسىنىڭ قورىتىندىسى بويىنشا اشحابادتا ءبىرقاتار كوپجاقتى كەلىسىمدەرگە قول قويىلاتىنى كۇتىلەدى. سونداي-اق، ەكىنشى دۇنيەجۇزىلىك سوعىستاعى جەڭىستىڭ 75 جىلدىعىنا وراي ت م د حالقىنا جانە الەمدىك قوعامداستىققا ۇندەۋ جاريالانباق.

ت م د مەملەكەتتەرى باسشىلارى كەڭەسىنىڭ وتىرىسى بۇگىن، 11 -قازان كۇنى وتەدى.