+7 (701) 759 90 19
-4 °С : نۇر-سۇلتان
-4 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

پەتروپاۆلدا ەكى ماس جۇرگىنشى كولىك استىنا ءتۇستى

11 قازان 12:15
:ءبولىسۋ
پەتروپاۆلدا ەكى ماس جۇرگىنشى كولىك استىنا ءتۇستى

پەتروپاۆل. قازاقپارات - پەتروپاۆلدا بەلگىلەنبەگەن جەردەن وتپەك بولعان ەكى جۇرگىنشىنى كولىك قاعىپ، ەكەۋى دە دەنە جاراقاتىن الدى، دەپ حابارلايدى قازاقپارات ءتىلشىسى.

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، پەتروپاۆل قالاسىنىڭ 56 جاستاعى تۇرعىنى ءۋاليحانوۆ جانە حيمەنكو كوشەلەرىنىڭ قيىلىسىندا باعدارشامنىڭ قىزىل تۇسىنە قاراماي جولدان ءوتىپ كەتپەك بولعان.

ماس ايەل كەلىپ قالعان كولىكتى بايقاماي، استىنا ءتۇسىپ، سالدارىنان دەنە جاراقاتىن الدى. ەندى ول اكىمشىلىك جاۋاپكەرشىلىككە تارتىلىپ، 25 مىڭنان ارتىق تەڭگە ايىپپۇل تولەۋى مۇمكىن.

سول كۇنى كەشكى ساعات 20.00 دەر شاماسىندا «لادا» اۆتوكولىگى قىزىلجار اۋدانىنىڭ 51 جاستاعى تۇرعىنىن سوقتى. بۇل جۇرگىنشى دە ماس كۇيىندە پەتروپاۆل قالاسىنداعى ن. نازاربايەۆ كوشەسىن بەلگىلەنبەگەن جەردەن قيىپ وتپەك بولعان. دەنە جاراقاتىن العان ول اۋرۋحاناعا جەتكىزىلدى.

«جۇرگىنشىلەردىڭ كوپشىلىگى جولدا ءجۇرۋ ءتارتىبىن ساقتامايدى. جىل باسىنان 6 مىڭ ادامدى بەلگىلەنبەگەن جەردەن كوشەنى قيىپ وتكەنى ءۇشىن جازاعا تارتتىق. جول قوزعالىسىنىڭ بارلىق قاتىسۋشىلارى ورتاق جاۋاپكەرشىلىكتى ەستەن شىعارماۋلارى كەرەك. جولدا ءجۇرۋ ەرەجەلەرىندە جاياۋ جۇرگىنشىنىڭ دە مىندەتتەرى كورسەتىلگەن. جولداعى ارنايى بەلگىلەنگەن جەردەن ءقاۋىپسىز ەكەندىگىنە كوز جەتكىزگەننەن كەيىن عانا بارىپ ءوتۋ كەرەك»، - دەيدى س ق و پ د جەرگلىكتى پوليتسيا قىزمەتى باسقارماسى باسشىسىنىڭ مىندەتىن اتقارۋشى گريگوري تىش.

جالپى جىل باسىنان پەتروپاۆلدا 49 جۇرگىنشىنى كولىك قاعىپ، التاۋى مەرت بولدى.

اۆتور: اقەركە داۋرەنبەك قىزى


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات