حالىقارالىق شاحماتتا قازاقستاندىق وقۋشىلار جۇلدەلى ورىننان كورىندى

None
None
نۇر-سۇلتان. قازاقپارات - نۇر-سۇلتان قالاسىنىڭ №1 مەكتەپ-ليتسەيىنىڭ شاحمات كومانداسى ت م د ەلدەرى اراسىنداعى VII حالىقارالىق مەكتەپ سپورتى فەستيۆالىندە ەكىنشى ورىن الدى، دەپ حابارلايدى قازاقپارات.

كلاسسيكالىق شاحماتتان جەكە سايىستا قازاقستان جارتىلاي فينالدا قازان كومانداسىن ايقىن باسىمدىقپەن جەڭىپ، فينالدا ارمەنيالىق وقۋشىلارعا ەسە جىبەرىپ الدى.

ال وعان دەيىن وتكەن دارا باسەكەدە قازاقستاندىق بوريس چەركاسوۆ قولا جۇلدەگەر اتانعان.

«قازاقستاندا وقۋشىلار اراسىندا شاحمات دامىپ كەلەدى. «اقبوزات» ۇلتتىق ليگاسىن ۇزبەي وتكىزىپ كەلەمىز. سونىڭ جەڭىمپازدارىن قازاقستان شاحمات فەدەراتسياسى بەدەلدى حالىقارالىق دودالارعا جىبەرەدى. ءبىزدىڭ وقۋشىلار ازيا جانە الەم چەمپيوناتتارىندا بىرنەشە دۇركىن جۇلدەگەر بولعان. سول «اقبوزات» ليگاسىنىڭ جەڭىمپازدارى بۇگىن قازاندا كۇمىس جۇلدەگەر اتانۋى تەگىن ەمەس»، - دەيدى ق ر ب ع م رەسپۋبليكالىق دەنەشىنىقتىرۋ عىلىمي- تاجىريبەلىك ورتالىعىنىڭ باس ديرەكتورى سادىق مۇستافايەۆ.

جالپى، تۋرنيرگە ارمەنيا، تۇرىكمەنستان، تاتارستان، قازاقستان، رەسەي، ۋكراينا، ازەربايجان، قىرعىزستان جانە مولدوۆادان 26 وقۋشى - 10 قۇراما قاتىستى.

قازاقستان كومانداسى بوريس چەركاسوۆ، ءمادي اشىمبايەۆ، بەكنازار كاشەۆ جانە ديانا تىنىشتىق سىندى دارىندى وقۋشىلاردان قۇرالدى.

«ايتپاقشى، بۇلار كاسىپقوي شاحماتشىلار ەمەس، شاحماتقا اۋەستەنىپ جۇرگەن قاراپايىم وقۋشىلار. مىسالى، ارمەنيادا شاحمات مەكتەپتە تولىققاندى ساباق رەتىندە وقىتىلادى. ال ءبىز قازاقستاندا وسى باعدارلامانى 2017 -جىلى عانا ەنگىزدىك. ول قازىردىڭ وزىندە تاماشا ناتيجە بەرە باستادى»، - دەيدى قازاقستان شاحمات فەدەراتسياسىنىڭ اتقارۋشى ديرەكتورى يرينا گريشەنكو.

سوڭعى جاڭالىقتار