لاتىن ءالىپبيى باسەكەگە الدەقايدا قابىلەتتى - ەربول تىلەشوۆ
ەلباسى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىندا تاياۋ جىلدارى قازاق جازۋىن لاتىن قارپىنە كوشىرۋدىڭ ءمان- ماڭىزى ايتىلعانى ءمالىم.
اتالمىش جيىندا وسى كوكەيكەستى ماسەلە تالقىلاندى.
«قازاقستان پرەزيدەنتى قاسىم-جومارت توقايەۆ حالىققا جولداۋىندا قازاق ءتىلىنىڭ مارتەبەسى ارتا تۇسەتىنىن، بولاشاقتا ۇلتارالىق قارىم-قاتىناس تىلىنە اينالاتىنىن اتاپ ءوتتى. وسى ورايدا قازاق ءتىلىن لاتىن الىپبيىنە كوشىرۋ - رۋحاني جاڭارۋدى بەكىتە ءتۇسىپ، ۇلتتىق كودتى ساقتايتىن اسا ماڭىزدى مىندەتتىڭ ءبىرى»، - دەدى وبلىس اكىمىنىڭ ورىنباسارى سەرىك ەگىزبايەۆ.
ش. شاياحمەتوۆ اتىنداعى «ءتىل- قازىنا» ۇلتتىق عىلىمي- پراكتيكالىق ورتالىعىنىڭ اتقارۋشى ديرەكتورى ەربول تىلەشيەۆ اتاپ وتكەندەي، لاتىن ءالىپبيى دۇنيە جۇزىنە كەڭىنەن تانىمال.
«الەمدە قىرىققا جۋىق ءالىپبي بار. وسىنداعى كيريلل ءالىپبيىنىڭ ۇلەسى - 3 پايىز. ءبىز قازىر وسى ازشىلىقتىڭ ىشىندەمىز. ەلدەردىڭ 36 پايىزى لاتىن قارپىن قولدانادى. 200 ميلليونعا جۋىق تۇركى حالقى بولسا، سونىڭ 55,6 پايىزى لاتىنعا كوشىپ ۇلگەرسە، 17,7 پايىزى كيريلشە جازىپ وقيدى. عىلىمي ەڭبەكتەردىڭ 77 پايىزى لاتىن نەگىزدى الىپبيمەن جازىلادى. سوندىقتان لاتىن ءالىپبيى كيريلگە قاراعاندا 250 ەسە باسەكەگە قابىلەتتى»، - دەدى ەربول تىلەشەۆ.
بەلگىلى جۋرناليست، «اتىراۋ» تەلەارناسىنىڭ ديرەكتورى قانات اۋەسباي لاتىن قارپىنە كوشۋدى ناسيحاتتاۋ كەرەكتىگىن، ونىڭ كەزەڭ-كەزەڭمەن ەنگىزىلىپ، بىرنەشە جىلعا سوزىلاتىنىن جەتكىزدى.
سونداي-اق ساياساتتانۋشى، جۋرناليست، قوعام بەلسەندىسى، «AmalBooks» باسپاسىنىڭ جەتەكشىسى باقىتجان بۇقارباي لاتىن قارپىنە كوشۋدىڭ ۇتىمدى جولدارىنا توقتالدى.
فورۋم بارىسىندا مەملەكەتتىك ءتىلدىڭ مارتەبەسىن نىعايتۋعا ۇلەس قوسىپ جۇرگەن ءتىل جاناشىرلارى قازاقستان پرەزيدەنتىنىڭ العىسحاتىمەن ماراپاتتالدى.
