قازاقستاندا كورسەتىلەتىن بەلسەندى قىزمەتتەر سانى كوبەيەدى
قازاقستاندا «سيفرلىق قازاقستان» مەملەكەتتىك باعدارلاماسىن جۇزەگە اسىرۋ اياسىندا بەلسەندى تۇردە كورسەتىلەتىن قىزمەتتەر سانىن كوبەيتۋ جوسپارلانىپ وتىر. بۇل دەگەنىمىز، مەملەكەت ازاماتقا ءتۇرلى ومىرلىك جاعدايلاردا مەملەكەتتىك قىزمەت كورسەتۋدى ءوزى ۇسىنادى. ولاردىڭ ىشىندە: مەكتەپكە قابىلداۋ، الەۋمەتتىك تاۋەكەلدەر جاعدايلارىنا تولەمدەر تاعايىنداۋ، جىلجىمايتىن مۇلىكتى تىركەۋ جانە تاعى باسقالار.
«مۇنداي شەشىم اسقار جۇماعالييەۆتىڭ باسشىلىعىمەن وتكەن مەملەكەتتىك قىزمەتتەردى وڭتايلاندىرۋ جانە اۆتوماتتاندىرۋ جونىندەگى ۆەدومستۆوارالىق كوميسسيانىڭ وتىرىستارىندا قابىلداندى. «بەلسەندى قىزمەتتەر» سانىن كوبەيتۋ ءۇشىن قازىر زاڭناماعا جانە مەملەكەتتىك قىزمەت كورسەتۋ ستاندارتتارىنا وزگەرىستەر ەنگىزىلۋدە. 17 ءتۇرلى «بەلسەندى قىزمەتكە» مەملەكەتتىك قىزمەتتىڭ 27 ءتۇرى توپتاستىرىلادى. بۇل ۇدەرىسكە ەڭبەك جانە حالىقتى الەۋمەتتىك قورعاۋ، ادىلەت، ءبىلىم جانە عىلىم، سونداي-اق مادەنيەت جانە سپورت مينيسترلىكتەرى تارتىلعان. سەبەبى، وسى مەملەكەتتىك ورگانداردىڭ اقپاراتتىق جۇيەلەرىندە قىزمەت كورسەتۋگە قاجەتتى دەرەكتەر ساقتالۋدا» دەلىنگەن حابارلامادا.
ايتا كەتۋ كەرەك، قازاقستان - قىزمەتتەردى بەلسەندى تۇردە كورسەتەتىن ت م د- داعى العاشقى جانە ازىرشە جالعىز ەل. قازىرگى ۋاقىتتا 3 قىزمەت ءتۇرى پيلوتتىق تارتىپتە كورسەتىلەدى. ولار - «التىن القا» جانە «كۇمىس القا» بەلگىلەرىمەن ماراپاتتالعان كوپبالالى انالارعا مەملەكەتتىك جاردەماقى تاعايىنداۋ، مەملەكەتتىك كەپىلدىك تولەۋ جانە بالا تۋۋدى تىركەۋ.
مىسالى، ەگەر جاس انا موبيلدىك ازاماتتار بازاسىندا تىركەلگەن بولسا، ءسابيىن دۇنيەگە اكەلگەننەن كەيىن وعان SMS- حابارلاما كەلەدى.
SMS- حابارلاماعا جاۋاپ بەرە وتىرىپ، ول ءسابيدىڭ تۋۋ تۋرالى كۋالىگىن الۋمەن قاتار، بالا تۋۋعا وراي تاعايىندالاتىن الەۋمەتتىك جاردەماقىنىڭ 2 ءتۇرىن رەسىمدەپ، بالانى بالاباقشا كەزەگىنە قويىپ، تۇرعىلىقتى مەكەنجايىنا تىركەي الادى.
وسى بەلسەندى تۇردە كورسەتىلەتىن قىزمەتتى ىسكە اسىرۋ ءۇشىن مەملەكەتتىك ورگاندار ءتورت اقپاراتتىق جۇيەنى، اتاپ ايتقاندا «ا ح ا ج»، «ز ت م و»، ەلەكتروندىق ۇكىمەتتىڭ ايماقتىق شليۋزىن جانە حالىقتى قۇجاتتاندىرۋ جانە تىركەۋ پۋنكتىن ينتەگراتسيالادى. بۇگىنگى كۇنى 72 مىڭنان استام نارەستەگە تۋۋ تۋرالى كۋالىك بەلسەندى قىزمەت ءتۇرى ارقىلى رەسىمدەلدى.