اقتاۋدا ءابىش كەكىلباي ۇلىنا ارنالعان فوتوكورمە ءوتتى

اقتاۋ. قازاقپارات - ءابىش كەكىلباي ۇلىنىڭ 80 جىلدىعىنا وراي اباي اتىنداعى مادەني- دەمالىس كەشەنىندە فوتوكورمە ۇيىمداستىرىلدى، دەپ حابارلايدى قازاقپارات ءتىلشىسى.

كورمەدە ابىز تۇلعا، قالامگەردىڭ كوزى تىرىسىندەگى 80 نەن استام سۋرەتى قويىلعان. ءابىش كەكىلباي ۇلى ءومىرىنىڭ ەڭ جارقىن ساتتەرى بەينەلەنگەن فوتولار كورەرمەن كوڭىلىنەن شىقتى. كورمە ارقىلى ابىز تۇلعانىڭ تەك قالامگەر عانا ەمەس، سانالى عۇمىرىن قازاق رۋحانياتىنىڭ ءوسىپ-وركەندەۋىنە ارناعان ساياساتكەر ەكەنىن جانە قازاقستاننىڭ دامۋىنداعى ءرولىن ايقىن كورە الامىز.

كورمە اۆتورى سەرىك مايەمەروۆتىڭ ايتۋىنشا، ەڭ العاشقى سۋرەتتەر 2005 -جىلى تۇسىرىلگەن.

«كورمەنى 4 تاقىرىپقا ءبولدىم. مۇندا زامانداستارىمەن، اسىرەسە فاريزا وڭعارسىنوۆامەن بىرگە جۇرگەن شاقتارى، قىزمەتتەگى ارىپتەستەرىمەن، ەلباسىمەن بىرگە تۇسكەن سۋرەتتەرى كوپ»، - دەيدى اۆتور.

اۆتور: ءلايلىم ءالىم