اتاقتى «مونا ليزا» بۇرىنعى ورنىنا قايتا ءىلىندى

نۇر-سۇلتان. قازاقپارات - لەوناردو دا ۆينچيدىڭ اتاقتى «ليزا دەل دجوكوندا حانىمنىڭ پورترەتى» بۇرىنعى ورنىنا قايتا ءىلىندى. تۋىندى تۇرعان زال جوندەۋ جۇمىستارىنان كەيىن قايتا اشىلىپ وتىر.

2 ايدان استام مەزگىلدە سۋرەتتى قورعايتىن شىنى پانەلى اۋىستىرىلعان. سونىمەن قوسا زال قابىرعالارى بۇرىنعىداي سارى ەمەس، كوك تۇسكە بويالعان. بۇل سۋرەتتىڭ فونىن ايقىنداۋ ءۇشىن جاسالىپتى.

ايتا كەتكەن ءجون، گيننەسس رەكوردتار كىتابىنىڭ مالىمەتىنشە، «مونا ليزا» سۋرەتى الەمدەگى ەڭ قىمبات ونەر تۋىندىسى سانالادى. ول ءىلۋلى تۇرعان زالدا 15 جىل بويى قالپىنا كەلتىرۋ جۇمىستارى جۇرگىزىلمەگەن. نەگىزى اتاقتى تۋىندىنى كورۋ ءۇشىن لۋۆرعا كۇندەلىكتى ورتا ەسەپپەن 30 مىڭ ادام كەلەدى ەكەن.

 ۆەنسان دەليەۆەن، ونەرتانۋشى:

-  «مونا ليزانىڭ» قورعانىس شىنىسى 15 جىل بويى الماستىرىلماعان ەدى. ءبىز بۇل ۋاقىت ىشىندە دامىپ كەتكەن وزىق تەحنولوگيالاردى پايدالانىپ، سۋرەتكە وتە ءمولدىر شىنى قويدىق. بۇل تۋىندىعا وتە جاقىن تۇرعانداي اسەر بەرەدى.

www.24.kz