+7 (701) 759 90 19
10 °С : نۇر-سۇلتان
15 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

تۇركىستاندا  ا ق ش تەحنولوگياسىمەن جاڭبىرلاتىپ سۋارۋ ءتاسىلى قولدانىلا باستادى

10 قازان 21:37
:ءبولىسۋ
تۇركىستاندا  ا ق ش تەحنولوگياسىمەن جاڭبىرلاتىپ سۋارۋ ءتاسىلى قولدانىلا باستادى

تۇركىستان. قازاقپارات - تۇركىستان قالاسىنىڭ ماڭىندا ديقاندار ەگىستىكتى ا ق ش- تان اكەلىنگەن ارنايى تەحنيكا ارقىلى جاڭبىرلاتىپ سۋارا باستادى. مامانداردىڭ ايتۋىنشا، بۇل - وتە ءتيىمدى ءتاسىل.

وسى باستاما ارقىلى ءونىم ءتۇسىمى ەكى- ءتورت ەسەگە دەيىن ارتادى دەپ جوسپارلانىپ وتىر، دەپ حابارلايدى قازاقپارات وڭىرلىك كوممۋنيكاتسيالار قىزمەتىنە سىلتەمە جاساپ.


2018 -جىلى ەلباسى ن. ءا. نازاربايەۆتىڭ تاريحي شەشىمىنە سايكەس، تۇركىستان قالاسى وبلىس ورتالىعى بولىپ بەكىتىلىپ، «تۇركىستان وبلىسىنىڭ الەۋمەتتىك- ەكونوميكالىق دامىتۋدىڭ 2024 -جىلعا دەيىنگى كەشەندى جوسپارى» قابىلدانعان بولاتىن. وسى جوسپارعا سايكەس، وبلىس اكىمى ءومىرزاق شوكەيەۆتىڭ باستاماسىمەن تۇركىستان قالاسى اۋماعىندا ازىق- تۇلىك بەلدەۋىن قالىپتاستىرۋ جانە سۋ نىساندارى جوبالارى ىسكە اسىرىلا باستادى.


كەشەندى جوسپار اياسىندا اگرارلىق سالاعا، ونىڭ ىشىندە تۇركىستان قالاسى اۋماعىندا 11 مىڭ گ ا القاپقا ازىق- تۇلىك بەلدەۋىن قالىپتاستىرۋ جانە اعىن سۋ تاپشىلىعىن جويۋ ماقساتىندا سۋ نىساندارى قۇرىلىسىن جۇرگىزۋگە ۇلكەن باسىمدىق بەرىلىپ وتىر.

بيىل جىل باسىندا «تۇركىستان اگرو ХХI « ج ش س باستاماسىمەن 131 شارۋا قوجالىق بىرىگىپ، ناتيجەسىندە «ىنتىماق - 2019» كووپەراتيۆى قۇرىلدى. بۇگىندە اتالعان كووپەراتيۆتىڭ 733 گ ا القابىنا 18 بىرلىك جاڭبىرلاتىپ سۋعارۋ تەحنولوگياسى ماشيناسىن ورناتۋ جوسپارلانعان. جوبانىڭ قۇنى - 500,0 ميلليون تەڭگە. ا ق ش- تىڭ «T-L» ماركالى تەحنولوگياسىن ەلىمىزگە نيدەرلاندىنىڭ «APH Group B.V.» كومپانياسى جەتكىزگەن. سونداي- اق مۇندا 600,0 ميلليون تەڭگەگە «م ت س قۇرۋ» جوباسى ىسكە اسىرىلۋدا. جوبالار «اگرارلىق نەسيە كورپوراتسياسى» ا ق ارقىلى ماقۇلداندى. بۇل قۇرىلعىلارعا مەملەكەت تاراپىنان سۋبسيديا ءبولىنىپ، شارۋالارعا ۇلكەن قولداۋ كورسەتىلىپ وتىر.

تۇركىستان وبلىستىق اۋىل شارۋاشىلىعى باسقارماسىنىڭ باسشىسى نۇربول بادىراقوۆتىڭ ايتۋىنشا، بۇگىندە تۇركىستان قالاسى ماڭىندا 4 بىرلىك جاڭبىرلاتىپ سۋارۋ ماشيناسى ورناتىلعان.

«قازىر بۇل القاپقا كۇزدىك بيداي ەگىلىپ جاتىر. كەلەسى جىلدىڭ مامىر ايىندا سۇرلەم جۇگەرى ەگۋ جوسپارلانعان. جاڭبىرلاتىپ سۋارۋ تەحنولوگياسى ارقىلى داقىل تۇرىنە قاراي ونىمدىلىك 2-4 ەسەگە دەيىن ارتادى. مىسالى بيدايدان ورتاشا ونىمدىلىك گەكتارىنا 15 - 20 سەنتنەر بولسا، تەحنولوگيا ارقىلى ول 40 - 45 سەنتنەرگە جەتپەك. داندىك جۇگەرىدەن ءار گەكتاردان 48,5 سەنتنەر الىنسا، جاڭا تەحنولوگيا ارقىلى ءونىم ءتۇسىمىن 115-130 سەنتنەرگە دەيىن جەتكىزۋگە بولادى. جالپى، كەلەسى جىلى تۇركىستان قالاسىنىڭ اينالاسىنداعى القاپتاردا جاڭبىرلاتىپ سۋارۋ ءادىسى ەنگىزىلەدى. وسى ارقىلى ازىق- تۇلىك بەلدەۋى قالىپتاسىپ، ەلدىڭ الەۋمەتتىك جاعدايى كوتەرىلىپ قانا قويماي، قالانىڭ ەكولوگياسى اقۋالى دا جاقسارادى»، - دەيدى باسقارما باسشىسى.

بۇگىنگى تاڭدا ازىق- تۇلىك بەلدەۋى اۋماعىندا «تۇركىستان اگرو ХХI « ج ش س «1200 باسقا ارنالعان تاۋارلى ءسۇت فەرماسى» جوباسىن ىسكە اسىرۋدا. بۇدان بولەك «SPK-SAURAN» ا ش ءو ك- ءى («سيتي ستروي» ج ش س) « 10000 باس ءى ق م بورداقىلاۋ كەشەنى» جوباسىن ىسكە اسىرۋ جۇمىستارىن باستادى. سونداي اق «SPK-SAURAN» ا ش ءو ك- 1 «1 مىڭ گەكتار القاپتا جاڭبىرلاتىن سۋارۋ جۇيەسىن ورناتۋ» جوباسىن قولعا الدى. قازىر وندا «Valmont Industries» كومپانياسىنان 3 جاڭبىرلاتقىش ماشينالارى جەتكىزىلگەن.

بۇدان بولەك، جىلىنا قۋاتتىلىعى 20 مىڭ. تن. ەتتى باعىتتاعى قۇس فابريكاسى («ستاندارت ويل» ج شس )، 500 گ ا زاماناۋي جىلىجاي كەشەنى (تۇرىك كومپانياسى)، «جىلىنا 2,5 مىڭ توننا تۇيە ءسۇتىن قايتا وڭدەۋ كەشەنى» جوبالارى دايىندالۋدا.

ازىق- تۇلىك بەلدەۋىن قالىپتاستىرۋ جوبالارى تۇركىستان قالاسى اۋماعىنان راديۋسى 15 شاقىرىم اۋماقتا ينتەنسيۆتى تەحنولوگيالاردى قولدانا وتىرىپ، عالىمداردىڭ سۇيەمەلدەۋىمەن جۇزەگە اسىرىلىپ جاتىر.

كەشەندى جوسپار بويىنشا جالپى 70 ميلليارد تەڭگەنى قۇرايتىن 8 ءىرى ينۆەستيتسيالىق جوبانى ىسكە اسىرۋ كوزدەلگەن. ناتيجەسىندە جىل سايىن قوسىمشا 30,0 ميلليارد تەڭگەنىڭ اۋىل شارۋاشىلىعى ءونىمى ءوندىرىلىپ، 2500-دەن استام جاڭا جۇمىس ورنى قۇرىلادى دەگەن سەنىم بار.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات