+7 (701) 759 90 19
-3 °С : نۇر-سۇلتان
0 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

بىرىككەن ۇلتتار ۇيىمى قارجىلاي داعدارىسقا ۇشىراۋى مۇمكىن

11 قازان 03:10
:ءبولىسۋ
بىرىككەن ۇلتتار ۇيىمى قارجىلاي داعدارىسقا ۇشىراۋى مۇمكىن

نۇر-سۇلتان. قازاقپارات - ب ۇ ۇ كەلەسى ايدا قارجىلاي داعدارىسقا ۇشىراپ، قىزمەتكەرلەرىنە جالاقىسىن تولەي الماي قالۋى مۇمكىن.

وعان ۇيىمعا مۇشە كەي ەلدەردىڭ جارناسىن اۋدارماي، قاجەتتى قارجىنىڭ جينالماۋى سەبەپ. ب ۇ ۇ باس حاتشىسى انتونيۋ گۋتەرريش وسىلاي دەپ مالىمدەدى.

ويتكەنى بيىل ۇيىمنىڭ 3,3 ميلليارد دوللار بولاتىن بيۋدجەتىنىڭ 2 ميللياردتايى عانا جينالعان. باستى قارىزگەر – ا ق ش. ۆاشينگتون وتكەن جىلى 380 ميلليون دوللار تولەمەسە، بيىل ونىڭ ۇيىمعا قارىزى 670 ميلليون دوللارعا جەتكەن. پەزيدەنت دونالد ترامپ امەريكا جارناسىنىڭ تىم ۇلكەن ەكەنىن ايتىپ، ونى رەفورمالاۋدى ۇسىنۋدا.

انتونيۋ گۋتەرريش، ب ۇ ۇ باس حاتشىسى:

- بيۋدجەت تاپشىلىعىنا بايلانىستى ءبىزدىڭ جۇمىسىمىز بەن رەفورمالارىمىزدىڭ جۇزەگە اسپاي قالۋ قاۋپى بار. كەلەر جىلعى بيۋدجەتكە قاتىستى ۇسىنىستاردى تانىستىرا وتىرىپ، ۇيىمعا مۇشە ەلدەردەن جارنانى ۋاقىتىلى جانە تولىقتاي تولەۋىن سۇرايمىن. ال ەكونوميكالىق قيىندىقتارعا قاراماستان قارجىلىق مىندەتتەمەلەرىن ورىنداعان مەملەكەتتەرگە العىسىمدى بىلدىرەمىن.

ايتا كەتەيىك، ب ۇ ۇ- نىڭ بىتىمگەرلىك وپەراتسيالارى ءۇشىن بيۋدجەت بولەك قۇرالادى. بيىل ونىڭ كولەمى 6,7 ميلليارد دوللار بولسا، كەلەر جىلعا 6,5 ميلليارد دەپ بەكىتىلگەن. ءبىراق ۆاشينگتون بۇل ىستە دە ءوز جارناسىنىڭ تىم كوپ ەكەنىنە شاعىمدانىپ، ونى ازايتۋدى سۇراۋدا. قازىر ا ق ش- تىڭ ۇلەسى بىتىمگەرلەر قىزمەتىنىڭ جالپى بيۋدجەتىنىڭ 28 پايىزىن قۇرايدى.

www.24.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات