+7 (701) 759 90 19
0 °С : نۇر-سۇلتان
18 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

لوندونداعى كولىك كەپتەلىسى مەن اۋانىڭ لاستانۋى

11 قازان 04:06
:ءبولىسۋ
لوندونداعى كولىك كەپتەلىسى مەن اۋانىڭ لاستانۋى

نۇر-سۇلتان. قازاقپارات - لوندون قالاسىنىڭ كولەمى ۇلعايعان سايىن كولىك كەپتەلىسى، مەتروپوليتەننىڭ ەسكىرگەن جۇيەسى جانە اۋانىڭ لاستانۋى سياقتى ينفراقۇرىلىمدىق پروبلەمالارى دا ارتىپ كەلەدى.

ال ءتۇيىندى ماسەلەلەردى ازايتۋ ءۇشىن Smart tech جۇيەسى پايدالانىلادى. قالا حالقىنا جانە قوناقتارىنا جايلى جاعداي جاساۋ ءۇشىن جەرگىلىكتى بيلىك ءبىرشاما باستامالاردى قولعا الدى. لوندون مەرى ساديك حاننىڭ «اقىلدى قالانى بىرگە سالايىق» جول كارتاسى كولىك تاسىمالىنان باستاپ، دەنساۋلىق ساقتاۋ قىزمەتىنە دەيىن قامتيدى.

ساديك حان، لوندون قالاسىنىڭ مەرى:

- ءبىز بۇل باعىتتا ۇلكەن قادامدار جاسادىق. ءبىراق ءبىز ودان ءارى جىلجىعىمىز كەلەدى. سمارت- تەحنولوگيالاردى حالىق يگىلىگى ءۇشىن جۇمىس ىستەتكىمىز بار. لوندون - ەڭ ۇزدىك يدەيالار جۇزەگە اساتىن «سىناق الاڭى» بولۋى كەرەك.

الەمدەگى ەڭ ءىرى جەر استى كولىك قۇرالى - لوندون مەتروسى. ونىڭ تارام- تارام جولدارىندا اداسىپ كەتپەس ءۇشىن بىرنەشە ۇيالى قوسىمشالار مەن ونلاين- قىزمەتتەر جۇمىس ىستەيدى. ۋاقىتىڭدى دۇرىس جوسپارلاپ، پويىزىڭنان قالىپ قويماۋىڭا كومەكتەسەدى. سونىمەن قاتار لوندوننىڭ ءاربىر شارشى مەترىنە 300 باقىلاۋ كامەراسى قويىلعان. جاساندى ينتەللەكت پەن ادامداردىڭ ءتۇرىن تانيتىن تەحنولوگيالار ءتۇرلى قىلمىستارعا توسقاۋىل قويادى.

ستيۆەن ديەل، ساراپشى:

- كامەرانىڭ كوپ بولۋى ورىندى. ولار جەكە ومىرگە قول سۇقپايدى. قوعامدىق ورىنداردا تەرروريستىك قاۋىپ- قاتەردىڭ الدىن الادى. سوڭعى ۋاقىتتا لوندوندا پىشاقپەن جاسالاتىن شابۋىلدار كوپ. كامەرالاردىڭ كومەگىمەن حالىق ءوزىنىڭ قورعالعاندىعىن سەزىنۋ كەرەك.

لوندون اعىمداعى جىلى Smart city تەحنولوگيالارىنا 1 ميلليارد دوللاردان استام ينۆەستيتسيا قۇيدى. ماسەلەن، قالا باسشىلىعى ۇيلەرگە كۇن پانەلدەرىن ورناتىپ، ونى «جاسىل ەنەرگيا» كوزى رەتىندە كادەگە اسىرۋدى جوسپارلاپ وتىر. ەنەرگوجۇيە سيفرلى تۇردە باسقارىلىپ، تيىمدىلىگى كۇشەيتىلمەك.


باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات