پرەزيدەنتتىكتەن كەتكەنىمە وكىنبەيمىن - نۇرسۇلتان نازاربايەۆ

None
None
نۇر- سۇلتان. قازاقپارات - ەلباسى نۇرسۇلتان نازاربايەۆتىڭ «حابار» ارناسىنا بەرگەن سۇحباتىنان ءۇزىندى جاريالاندى، دەپ حابارلايدى قازاقپارات ءتىلشىسى ق ر تۇڭعىش پرەزيدەنتتىڭ باسپا ءسوز حاتشىسىنىڭ Twitter پاراقشاسىنا سىلتەمە جاساپ.

«ەلباسىنىڭ بۇگىنگى سۇحباتىنان ءۇزىندى. تولىق نۇسقاسى ەرتەڭ «حابار» ارناسىندا ساعات 21.30-دا كورسەتىلەدى»، - دەپ جازدى ايدوس ۇكىباي.

سۇحبات كەزىندە نۇرسۇلتان نازاربايەۆقا «پرەزيدەنتتىكتەن كەتكەنىڭىزگە وكىنبەيسىز بە؟» دەگەن سۇراق قويىلدى.

«ارينە، وكىنبەيمىن. سەبەبى، بۇل جان- جاقتى ابدەن سارالانعان شەشىم بولاتىن. ەڭ الدىمەن، بىرنەشە رەت مەنى مەملەكەت باسشىسى ەتىپ سايلاعان حالىققا زور العىسىمدى ايتامىن. ەكىنشىدەن، وزگەرىستەر كەرەك. ەشتەڭە ءبىر ورىندا تۇرعان جوق. وزگەرىستەر، جاڭا ادامدار، تىڭ كادرلار كەرەك. كەز كەلگەن ادامنىڭ وزىندىك كوزقاراسى، قارىم- قاتىناسى بار. سول سەبەپتى بۇل - ابدەن ويلاستىرىلعان قادام. حالىق ءۇشىن، قازاقستان ءۇشىن دۇرىس ىستەدىم دەپ ەسەپتەيمىن»، - دەدى ەلباسى.

اۆتور: ايان بەكەن ۇلى

سوڭعى جاڭالىقتار