+7 (701) 759 90 19
-25 °С : نۇر-سۇلتان
2 °С : الماتى
USD 387.16 EUR 428.47
RUB 6.08 CNY 55.13
جاڭالىقتار

مەملەكەت باسشىسى ءابىش كەكىلباي ۇلى اتىنداعى تاريحي- ولكەتانۋ مۋزەيىن ارالادى

10 قازان 18:48
:ءبولىسۋ
مەملەكەت باسشىسى ءابىش كەكىلباي ۇلى اتىنداعى تاريحي- ولكەتانۋ مۋزەيىن ارالادى

اقتاۋ. قازاقپارات - پرەزيدەنت قاسىم- جومارت توقايەۆ اقتاۋعا جۇمىس ساپارى بارىسىندا ءابىش كەكىلباي ۇلى اتىنداعى تاريحي- ولكەتانۋ مۋزەيىن ارالاپ كوردى، دەپ حابارلايدى قازاقپارات ءتىلشىسى.

مۋزەيدە ءابىش كەكىلباي ۇلىنىڭ ەكسپوزياتسيالىق زالى جاساقتالعان. 460 شارشى مەتردى الىپ جاتقان زالعا قالامگەردىڭ كوزى تىرىسىندە تۇتىنعان بۇيىمدارى مەن قۇندى جادىگەرلەرى قويىلعان.

«ءابىش كەكىلباي ۇلىنىڭ بالالىق شاعىنان باستاپ ءومىرىنىڭ سوڭعى كۇندەرىنە دەيىنگى سۋرەتتەرى ۇسىنىلدى. سونىمەن قاتار، جەكە ءومىرى مەن قىزمەتتەگى جانە شىعارماشىلىعىندا قولدانىلعان بۇيىمدارى بار»، - دەيدى مۋزەي قىزمەتكەرى نۇرشات قالكەنبايەۆا.

ايتا كەتەيىك، اتالعان مادەني ورتالىقتىڭ قۇرىلىسى بىلتىر اقپان ايىندا باستالعان. قازىرگى تاڭدا ورتالىقتا ورنالاسقان تاريحي- ولكەتانۋ مۋزەيىنىڭ قۇرىلىسى اياقتالدى. نىسان تولىعىمەن 2020 -جىلى پايدالانۋعا بەرىلەدى. 10 گ اۋماقتى الىپ جاتقان ورتالىقتا وبلىستىق مۋزەي مەن كىتاپحانا ورنالاسقان. عيمارات ورتاسىندا سۋبۇرقاق تا بولماق.

ەسكە سالا كەتەيىك، بۇعان دەيىن مەملەكەت باسشىسى قاسىم- جومارت توقايەۆتىڭ جۇمىس ساپارىمەن ماڭعىستاۋ وبلىسىنا كەلگەنىن حابارلاعان بولاتىنبىز. سونداي- اق، پرەزيدەنت جازۋشى ەسكەرتكىشىنىڭ اشىلۋ سالتاناتىنا قاتىستى.

اۆتور: ءلايلىم ءالىم


باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات