+7 (701) 759 90 19
10 °С : نۇر-سۇلتان
15 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

سيريادا اسكەري وپەراتسيا جۇرگىزىپ جاتقان تۇركيانىڭ ماقساتى نە

10 قازان 20:30
:ءبولىسۋ
سيريادا اسكەري وپەراتسيا جۇرگىزىپ جاتقان تۇركيانىڭ ماقساتى نە

نۇر-سۇلتان. قازاقپارات - تۇركيا سيريانىڭ سولتۇستىگىندە «بەيبىتشىلىك قاينارى» دەگەن اتاۋمەن اسكەري وپەراتسيانى باستاپ كەتتى. ماقسات - وسى ەل شەكاراسىنا جاقىن وڭىرلەردى كۇرد جاساقتارىنان تازالاپ، قاۋىپسىزدىك ايماعىن قۇرۋ.

ءبىراق الەمنىڭ كوپ ەلى انكارانىڭ ءىس- ارەكەتىنە نارازىلىق تانىتۋدا.

تۇركيانىڭ سيريا اۋماعىنداعى اسكەري قيمىلدارى اۋە سوققىسىمەن باستالدى. ال كەشە كەشكىسىن تۇرىك اسكەرى قۇرلىقتاعى وپەراتسياعا كىرىستى.

انكارا «بەيبىتشىلىك قاينارىنىڭ» ماقساتى شام ەلىنىڭ سولتۇستىگىندە، ياعني ەفرات وزەنىنىڭ شىعىسىنان يراكقا دەيىنگى اۋماقتى كۇرد جاساقتارىنان تازارتىپ، قاۋىپسىزدىك ايماعىن قۇرۋ ەكەنىن ايتادى. سودان كەيىن بۇل جەرگە 2 ميلليونعا جۋىق سيريالىق بوسقىندى ورنالاستىرۋ كوزدەلگەن.

رەجەپ تايىپ ەردوعان، تۇركيا پرەزيدەنتى:

- ءبىز سيريا ەركىن اسكەرىمەن كۇرد جۇمىسشى پارتياسىنا جانە «يراك جانە ليەۆانت لاڭكەستىك ۇيىمىنا» قارسى ارەكەت ەتىپ، جەڭىسكە جەتەمىز دەپ سەنەمىن. ماقساتىمىز ايقىن. ءبىز وسى ايماقتاردى لاڭكەستەردەن ازات ەتۋدى قالايمىز.

انكارانىڭ اسكەري ءىس- قيمىلدارى الەمنىڭ كوپ ەلىنىڭ الاڭداۋشىلىعىن تۋعىزۋدا. ا ق ش پرەزيدەنتى دونالد ترامپ شارانى سىنعا الىپ، وپەراتسيا كۇردتەردى قىرۋعا ۇلاسسا، تۇركيانىڭ ەكونوميكاسىن تاس- تالقان ەتەتىنىن ايتتى. سوندىقتان تۇرىك بيلىگىنەن بارىنشا ۇستانىمدى بولۋدى ەسكەرتتى.

دونالد ترامپ، ا ق ش پرەزيدەنتى:

- پرەزيدەنت ەردوعان بۇل ايماققا تۇركياداعى سيريالىق بوسقىنداردى ورنالاستىرماق نيەتتە. ءبىراق ءبىز بۇل شارانىڭ قالاي جۇزەگە اساتىنىن قاداعالايتىن بولامىز. ەگەر تۇرىك تاراپى وپەرتسيانى جۇزەگە اسىرۋدا شەكتەن شىعاتىن بولسا، انكارا ءۇشىن ونىڭ ەكونوميكالىق سالدارى اۋىر بولماق.

ەۋروپالىق وداق بولسا تۇركيادان ءبىر جاقتى شابۋىلدى دەرەۋ توقتاتۋعا شاقىردى. «سەبەبى بۇل ەشقانداي وڭ ناتيجەگە اكەلمەيدى»، - دەيدى رەسمي بريۋسسەل.

فەدەريكا موگەريني، ە و سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى:

- جاعداي ۋشىقپاي تۇرعاندا ءبىر جاقتى شابۋىلدى توقتاتۋ كەرەك. اسكەري وپەراتسيا ايماقتاعى ساياسي داعدارىستىڭ رەتتەلۋىنە كەدەرگى جاسايدى. ماسەلەنى ديپلوماتيالىق جولمەن شەشكەن دۇرىس.

ال مالىمەتكە قاراعاندا تۇرىك اسكەرى مەن كۇرد جاساقتارى حاساكا مەن راككا پروۆينتسيالارىندا قاقتىعىسقا ءتۇسىپ، بىرنەشە سارباز قازا تاۋىپ، وننان استام تۇرعىن جاراقات العان. وڭىرلەردەگى ءىرى قالالاردان ونداعان مىڭ تۇرعىن باس ساۋعالاپ قاشىپ جاتىر. حالىقارالىق ۇيىمدار اسكەري قيمىلدار گۋمانيتارلىق داعدارىسقا اكەلەتىنىن ايتىپ، دابىل قاعۋدا.

www.24.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات