نۇر- سۇلتان قالاسىندا ويىن- ساۋىق پاركى سالىنادى
« Disneyland بويىنشا ينۆەستور تارتۋ ءۇشىن ارنايى جەر تەلىمىن قاراستىرىپ جاتىرمىز. ونى ينفراقۇرىلىممەن، سۋمەن جانە ەلەكتر قۋاتىمەن جابدىقتاۋ قاجەت. جاقىن ارادا جەر ۋچاسكەسىن جانە ينۆەستوردى انىقتايمىز»، - دەدى ە. بەكمىرزايەۆ ەلوردادا بۇكىلالەمدىك تۋريستىك ۇيىمنىڭ VIII جاھاندىق سامميتىندە.
ونىڭ ايتۋىنشا، ويىن- ساۋىق نىسانى پارك رەتىندە سالىنادى.
«Disneyland ءوز قاراجاتىن اقتايتىنداي دەڭگەيدە سالىنۋى ءتيىس. جىل بويى جۇمىس ىستەۋ ءۇشىن ونى جابىق پارك رەتىندە ويلاستىرعان ءجون. بىزدە قىزىلوردا مەن شىمكەنتتەگىدەي اۋا رايى جوق. ءبىراق، ينۆەستور كەلۋى ءۇشىن جاعداي جاساۋ قاجەت»، - دەدى باسقارما باسشىسى.
ايتا كەتەيىك، ەلوردادا بۇكىلالەمدىك تۋريستىك ۇيىمنىڭ (UNWTO) قالا تۋريزمىنە قاتىستى VIII جاھاندىق سامميتى باستالدى. وندا اقىلدى قالالاردى دامىتۋ ارقىلى قالانىڭ وزەكتى ماسەلەلەرىن شەشۋ، قالانى باسقارۋ، تۇراقتى دامۋ، يننوۆاتسيالار مەن تەحنولوگيالار تاقىرىپتارى تالقىلانباق. جيىنعا الەمنىڭ 80 ەلىنەن 1400 قاتىسۋشى جينالدى.
شارا بارىسىندا ق ر ۇكىمەتىنىڭ باسشىسى اسقار مامين نۇر- سۇلتان قالاسىن الەمنىڭ توپ-50 تارتىمدى تۋريستىك باعىتىنا ەنگىزۋ كوزدەلىپ وتىرعانىن اتاپ ءوتتى.
ال نۇر- سۇلتان اكىمى التاي كولگىنوۆ قالانىڭ 1 ميلليوننان استام تۇرعىنىنىڭ 700 مىڭى 35 جاسقا دەيىنگى جاستار ەكەنىن ايتتى.
اۆتور: ايجان سەرىكجان قىزى