15:06, 10 - قازان 2019 | GMT +6
ق ر پرەزيدەنتى جۇمىس ساپارىمەن اقتاۋعا كەلدى
اقتاۋ. قازاقپارات - بۇگىن مەملەكەت باسشىسى قاسىم- جومارت توقايەۆ جۇمىس ساپارىمەن ماڭعىستاۋ وبلىسىنا كەلدى، دەپ حابارلايدى قازاقپارات ءتىلشىسى.
«پرەزيدەنت مۇندا قازاق ادەبيەتىنىڭ كورنەكتى وكىلى، جازۋشى، قوعام جانە مەملەكەت قايراتكەرى ءابىش كەكىلباي ۇلىنا قويىلعان ەسكەرتكىشتىڭ اشىلۋ سالتاناتىنا قاتىسادى. سونىمەن قاتار، جاڭادان پايدالانۋعا بەرىلەتىن ءابىش كەكىلباي ۇلى اتىنداعى ماڭعىستاۋ وبلىستىق تاريحي- ولكەتانۋ مۋزەيىنىڭ جۇمىسىمەن تانىسادى» ، - دەپ جازدى مەملەكەت باسشىسىنىڭ باسپا ءسوز حاتشىسى بەرىك ءۋالي Facebook تە.
ايتا كەتەيىك، بيىل ادەبيەتىمىزدىڭ الىپ بايتەرەگى - ءابىش كەكىلبايەۆتىڭ تۋعانىنا 80 جىل. وسىعان وراي، قالامگەردىڭ مەرەيتويى حالىقارالىق دەڭگەيدە اتالىپ وتپەك. مادەني- تانىمدىق شارالار لەگى ەلىمىزدىڭ تۇكپىر- تۇكپىرىندە ۇيىمداستىرىلادى.