+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

ايدى اسپانعا شىعارعان كىم؟

10 قازان 13:02
:ءبولىسۋ
ايدى اسپانعا شىعارعان كىم؟

نۇر-سۇلتان. قازاقپارات – «ايدى اسپانعا شىعارىپتى». بۇل ءسوزدى كۇندەلىكتى بولماسا دا، كەي كەيدە باسپا ءسوز بەتىنەن، ءيا الەۋمەتتىك جەلىلەردەن كورىپ قاپ جاتامىز.

بىلاي قاراساڭ، اي جارىقتىق ءوزى باياعىدان اسپاندا(بالا كۇنىمنەن بەرى اسپاننان كورىپ كەلە جاتىرمىن. ونىڭ جەردە ءيا تەڭىزدە، سۋدا جاتىر ەكەن دەگەندى كورگەن دە ەستىگەن دە جوقپىن) تۇرعان، ءبارىمىزدىڭ قاراڭعى تۇنىمىزگە جارىق سىيلاعان تۇنگى شىراعىمىز ەمەس پە. قىسقاسى، قۇدايدىڭ قۇدىرەتىمەن اسپاندا تۇر دەپ ويلايمىز عوي. ەندى سول اۋەلدەن اسپاندا تۇرعان زاتتى، جەردە جاتقان دۇنيەدەي-اق «ايدى اسپانعا شىعارىپتى، ايدى اسپانعا شىعاردى» دەي بەرەتىنىمىز نەلىكتەن. بۇنداي ءسوزدى ەستىگەن، كورگەن سايىن «اسپاندا تۇرعان نارسەنى اسپانعا شىعاردىسى نەسى» دەپ ويلاپ قويامىن. الدە ءتامسىل ءسوز بە، نەمەسە وسىنى شىنىمەن اسپانعا شىعارىپ قويعان بىرەۋ بارما ەكەن دەپ قيالدايتىنمىن كەيدە)).

سويتسەم، راسىندا بۇنى بىرەۋ جەردەن اسپانعا شىعارىپتى. جەردەن بولعاندا، ءجاي قارا جەردەن ەمەس، قۇدىقتىڭ ىشىنەن اسپانعا شىعارعان ەكەن. بۇل ءسوزدىڭ شىعۋ تاريحى سودان باستالعان بولسا كەرەك-تى. كەيىن بۇل «ەرلىكتى» ەستىپ، بىلگەن ەل «ايدى اسپانعا شىعارىپتى» دەگەن ءسوزدى ءتامسىل رەتىندە پايدالانا باستاپتى. ەگەر ول جونىندە بۇرىن بىلمەگەن بولساڭىز، ەندى ءبىلىپ الىڭىز.

باياعىنىڭ باي زامانىندا ءبىر پاقىر مىسكىن ادام جولاۋشىلاپ كەلە جاتادى. ابدەن شولدەگەن سوڭ، سۋ الىپ ىشپەك بولىپ، تۇندە قۇدىققا كەلەدى. قۇدىققا قانجىعاسىنداعى قاۋعاسىن سالىپ تارتسا، ءبىر نارسەگە ىلىنگەن ىدىسى شىقپاي قويادى. «بۇعان نە بولدى؟» - دەپ، ءۇڭىلىپ قاراسا، قۇدىقتىڭ تۇبىنەن اي كورىنەدى. «ءا، ايعا ءىلىنىپ قالعان ەكەن عوي»، - دەپ، جولاۋشى جۇلقي تارتىپ قالعاندا، قاۋعاسى شىعىپ كەتەدى. ال، ءوزى شالقاسىنان تۇسەدى. جەرگە باسىن سوعىپ، ەسەڭگىرەپ قالعان جولاۋشى الدەن ۋاقىتتا كوزىن اشسا، جاڭاعى قۇدىق ىشىندەگى ايى اسپاندا تۇر ەكەن دەيدى. سوندا ول قۋانىپ:

- نە بولسا، و بولسىن، ايدى اسپانعا شىعارعان ەكەنمىن عوي، ەندى سۋىمدى الا بەرەيىن - دەپ، سۋىن ءىشىپتى.

ەرتەسىندە قۇدىق باسىنان شىققان الگى جولاۋشى سول جۇرگەننەن مول ءجۇرىپ، بۇل اڭگىمەسىن تالاي ادامعا، تالاي ەلگە ايتىپ تاراتىپتى. سودان باستاپ «ايدى اسپانعا شىعاردى» ءسوزى ءتامسىل بولىپ كەتىپتى. ايتپاقشى، بۇل جيھانكەز - الەمگە اتى ءماشھۇر قوجاناسىر اتامىز ەكەن دەيدى بىلەتىندەر.

بەيسەن سۇلتان ۇلى


باستى سوزدەر: قوعام, مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات